Bordi i drejtorëve nga Ndërmarrja Publike Lokale ‘Ambienti’ SH.A, ka marrë vendimin për të shpërblyer stafin me një shpërblim vjetor, me rastin e festave të fundvitit, kjo falë punës, përkushtimit, dhe performacës së lartë të punonjësve.
Ky shpërblim në vlerë monetare prej 200 euro-ve, vlerëson kontributin e dhënë nga të gjithë punonjësit, për ndërmarrjen, përgjatë vitit 2024.
Këtë e ka bërë të ditur NPL ‘Ambienti’ Sh.A, përmes një njoftimi në rrjete sociale.
‘’Vendimi i Bordit të Drejtorëve të NPL “Ambienti” Sh.A për të shpërblyer stafin me një shpërblim vjetor bazohet në performancën e lartë të arritur gjatë vitit. Ky shpërblim është rezultat i përkushtimit dhe bashkëpunimit të të gjithë punonjësve, të cilët kanë kontribuar në realizimin e objektivave dhe politikave të Bordit të Drejtorëve’’ thuhet në njoftim.
Sipas njoftimit, kjo organizatë me vendimin që mori, vlerëson punën e palodhur të stafit dhe nxit më tej një frymë motivimi dhe angazhimi, në synimet e përbashkëta për të përmisuar performancën dhe për të arritur qëllimet strategjike të ndërmarrjes, duke përforcuar rëndësinë e stafit në suksesin e përgjithshëm të organizatës.
Vendimi i ndërmarrur nga kjo organizatë, vë theks në ndërtimin e një kulture të shëndetshme organizative që shpërblen punonjësit për rezultatet e arritura me sukses, falë punës e përkushtimit të tyre./Katror.info
Përgatiti:
