Gazetarja e Katror Media, Jetlira Ademi, është shpallur fituese e Çmimit për Raportimin e Përgjegjshëm Gjinor për të Drejtat Pronësore të Grave ndarë nga Asociacioni i Gazetarëve të Kosovës.
Gazetarja Jetlira Ademi ka fituar me temën “Trashëgimia e pronës familjare te vajzat si mjet për një familje të qëndrueshme“, në të cilën ka trajtuar një temë tejet të ndjeshme dhe të rëndësishme: çështjen e të drejtave pronësore të grave në Kosovë, një fushë që vazhdon të lë shumë për të dëshiruar.
Përgjatë dy viteve të funksionimit, Katror Media ka zënë një vend të veçantë në skenën mediatike në Kosovë, duke u dalluar për profesionalizmin në trajtimin e temave të ndryshme dhe përkushtimin ndaj gazetarisë konstruktive. Një nga projektet më të spikatura të Katror Media është ai i Aktivizmit Qytetar, i cili ka vënë në pah shembuj frymëzues që ndihmojnë në ndërtimin e një shoqërie më të drejtë dhe më të barabartë.
Mundesh me e lexu edhe…
Përmes stories së saj gazetarja Ademi solli në vëmendje historinë e Kaltrina Ajetit, një gazetare kosovare, e cila tregoi se si prindërit e saj zgjodhën t’i ndajnë pasurinë në mënyrë të barabartë mes saj dhe vëllait. Ky shembull pozitiv pasqyron rrugën që duhet ndjekur për të ndihmuar në arritjen e barazisë gjinore në Kosovë, duke treguar se ndryshimi fillon nga vendimet individuale dhe familjare.
Katror Media mbështet punën e gazetarëve të vet ne raportimin që ka për bazë gazetarinë konstruktive, duke i trajtuar temat jo me synimin për polarizim, por për gjetjen e zgjidhjeve më të mira. Në vend që të ndalet te problemet, Katror Media fokusohet te rrugët për përmirësim dhe ndryshim. Deri më sot Katror ka realizur 72 edicione të Aktivizmit Qytetar të publikuara si video dhe artikuj gjithandej në rrjetet sociale dhe në webfaqen tonë. Si i tillë promovizmi i aktivizmit qytetar, është pjesë e pandashme e Katror Media.
Çmimi që iu nda Jetlira Ademit është pjesë e Çmimeve Vjetore për Gazetari, organizuar nga Asociacioni i Gazetarëve të Kosovës (AGK), në partneritet me misionin e OSBE-së në Kosovë dhe me mbështetjen e programit të USAID-it në Kosovë, UN Women Kosovo, Forum Civil Peace Service – Kosovo, Ambasadës Britanike në Prishtinë, Voice of Roma, Ashkali and Egyptians, dhe kampanjën “Mendo Gjelbër, Vepro Gjelbër.”
Nga mbi 100 aplikime, juria, e përbërë nga Rrahman Paçarizi, Elida Ramadani, Laura Hasani, Maria Berishaj, dhe Shpend Qamili, ka përzgjedhur fituesit për 12 kategori, duke ndarë 16 çmime për më shumë se 20 fitues.
Kategoritë e Çmimeve
- Gazetari/Gazetarja e Vitit – Ardiana Thaçi
- TV Storja më e Mirë e Vitit – Adelina Mehmet, Valon Fana, Xhenete Murteza, Behar Mustafa
- Web Storja më e Mirë e Vitit – Nadie Ahmeti
- Kameramani/Kameramanja më e Mirë e Vitit – Denis Sllovinja
- Çmimi për Gazetarinë për Fuqizimin e Gruas – Adelina Ahmeti, Blerta Ahmeti dhe Dafina Halili
- Raportimi më i Mirë nga Sporti – Albijona Hoxha
- Raportimi më i Mirë rreth Antigjipsizmit – Qendresa Bellagoshi, Gentiana Ahmeti, Oriada Dajlo, Rexhep Maloku
- Çmimi për Raportimin më të Mirë të Sensibilizuar ndaj Konfliktit – Kreshnik Gashi
- Raportimi më i Mirë mbi Shëndetësinë – Bujar Vitia
- Çmimi për Raportimin e Përgjegjshëm Gjinor për të Drejtat Pronësore të Grave – Jetlira Ademi, Merita Miftari
- Raportimi mbi Ndryshimet Klimatike dhe Zhvillimin e Qëndrueshëm – Doruntina Baliu
- Raportimi më i Mirë mbi Ndërtimin e Besimit – Arbrita Uka
Përgatiti:
