“Kultura App” është projekti i parë i kësaj natyre në Kosovë. Aplikacioni vjen me ambicien që të bëhet pikëtakim virtual për dashamirët e kulturës.
“Ndjekësit e ngjarjeve kulturore në vend, veçanërisht në kryeqytet, tani do të kenë mundësi që lehtësisht të gjejnë dhe të informohen për çfarë po organizohet. “Kultura App” është aplikacioni i parë kushtuar kulturës në vend. Ai iu mundëson përdoruesve të gjejnë lehtësisht ngjarje kulturore në vend dhe të qëndrojnë të informuar me lajmet më të fundit kulturore”, thuhet në njoftimin e Media Kultura App.
“Me dizajnin e thjeshtë dhe karakteristikat e tij gjithëpërfshirëse, “Kultura App” është një mjet i domosdoshëm për çdo person që ka interes për jetën dhe zhvillimet kulturore”, thuhet tutje në njoftim.
Mundesh me e lexu edhe…
Aplikacioni është i ndarë në pesë seksione, dhe secili prej tyre ka rol dhe qëllim të veçantë:
- Faqja kryesore: Seksioni i faqes kryesore ofron një mënyrë të shpejtë dhe të thjeshtë për të qasur përmbajtjet më të rëndësishme dhe të rejat më të fundit.
- Kalendari: Seksioni i kalendarit lejon përdoruesit të shfletojnë dhe të kërkojnë për ngjarje kulturore që po ndodhin në zonën e tyre.
- Shto ngjarje: Ky seksion është i projektuar për organizatorët e ngjarjeve dhe individët që duan të promovojnë ngjarje kulturore. Përdoruesit mund të krijojnë dhe të publikojnë ngjarje, duke ofruar një mënyrë të thjeshtë dhe efektive për të arritur një audiencë më të gjerë.
- Lajme: Seksioni i lajmeve ofron informacione për zhvillimet më të fundit në botën e kulturës. Përdoruesit mund të lexojnë lajme, recensione, intervista dhe të ngjashme.
- Profili: Seksioni i profilit të përdoruesit.
Salih Mehmeti, udhëheqës i projektit dhe përfitues i subvencionit nga Komuna e Prishtinës, ka deklaruar se mbështetja financiare ka bërë të mundur realizimin e një aplikacioni të ri kulturor që mundëson shtrirje të gjerë dhe pjesëmarrje gjithëpërfshirëse në jetën kulturore e artistike në Komunën e Prishtinës, por edhe më gjerë.
“Unë shpreh mirënjohjen time për mbështetjen financiare, që më ka mundësuar të realizoj aplikacionin dhe kësisoj të kontribuoj pozitivisht në peizazhin kulturor të Kosovës. Mbes i përkushtuar që edhe më tej të punoj për rritjen e ndikimit të projektit në të mirë të komunitetit artistik në vend,” tha ai.
Nga ana tjetër, Alberina Haxhijaj, ideatore dhe menaxhere e projektit, tha se aplikacioni shërben si testament për përkushtimin e Komunës për të mbështetur inovacionin teknologjik në fushën e kulturës.
“‘Kultura App’ është një aplikacion i cili siguron mbështetje për institucionet e pavarura kulturore që veprojnë në Komunën e Prishtinës dhe në vend. Aplikacioni mbështet bashkëpunimin ndërdisiplinar dhe ndërsektorial dhe përmes tij nxitet inovacioni teknologjik në fushën e kulturës,” tha ajo, duke falënderuar të gjithë ata që kanë punuar në këtë projekt, veçanërisht programerët dhe dizajnerët.
Zbatimi i suksesshëm i projektit “Kultura App” u bë falë ndihmës së dhënë nga Komuna e Prishtinës, duke rezultuar në lançimin e një aplikacioni tejet të rëndësishëm për kulturën në vend.
Për të shkarkuar aplikacionin klikoni në link: Kultura App në App Store
/Katror.info
Përgatiti:
