Kur bëhet fjalë për mbrojtjen nga dielli, dy argumente kanë marrë shumë vëmendje kohët e fundit.
E para është se duhet të përdorim krem mbrojtës me SPF [faktor mbrojtës nga dielli] çdo ditë edhe në dimër që të mos dukemi të lodhur.
E dyta është se përdorimi i SPF edhe në ditët kur ka pak diell na rrezikon me mungesë të vitaminës D.
Mundesh me e lexu edhe…
Cila është e saktë?
Asnjëra, thotë Prof. Helen MacDonald nga Universiteti i Aberdeen, një eksperte për dritën e diellit dhe shëndetin.
“SPF ndalon vetëm UVB [rrezatimin]”, thotë ajo, duke shpjeguar se, ndonëse ky dallim rrezatimi rrit rrezikun për djegie dhe kancer të lëkurës dhe përdoret nga trupi ynë për të prodhuar vitaminë D, nuk shkakton dëmtimet e lëkurës që çojnë në shenjat e plakjes ato janë rrezatimet UVA me valë më të gjata. Për të bllokuar UVA, duhet një krem mbrojtës me spektrin e gjerë, një me një vlerësim katër ose pesë-yje për UVA, shkruan The Guardian, përcjell Katror.info.
Një krem hidratues që thotë ‘SPF 30’ dhe nuk ka informacion tjetër në paketim ka shumë mundësi të mos funksionojë.
Një ndryshim tjetër midis UVA dhe UVB
Në Mbretërinë e Bashkuar dielli është aq i ulët në qiell gjatë dimrit sa shumica e rrezeve UVB humbasin në atmosferë. [Për periudhën prill deri në fund të shtatorit është periudha për prodhimin e vitaminës D; rreziku më i ulët për djegie është nga mesi i tetorit deri në mes të marsit].
Megjithatë, UVA është i pranishëm gjatë gjithë vitit, pasi “nuk ndikohet në të njëjtën masë nga moti, vendi ku jetoni apo stina”, thotë MacDonald.
Pra, ia vlen që të mbrohesh nga të dyja duke përdorur një krem mbrojtës me spektrin e gjerë gjatë dimrit si dhe gjatë verës dhe kjo nuk do të zvogëlojë sasinë e vitaminës D që britanikët prodhojnë nga drita e diellit gjatë dimrit, pasi ne nuk e sintetizojmë atë në këtë periudhë të vitit gjithsesi.
Si mund ta sigurojmë që po prodhojmë mjaftueshëm vitaminë D?
Lini mënjanë kremat mbrojtës kur dilni jashtë për 10 minuta ose më pak gjatë verës dhe përdorni suplemente gjatë dimrit. /Katror.info
Përgatiti:
