Qendra Klinike dhe Universitare e Kosovës (QKUK) ka njoftuar se projekti i Fertilizimit të Asistuar Mjekësor (IVF) po realizohet sipas Planit të Veprimit të miratuar, i cili është i ndarë në disa faza, shkruan Katror.info.
Për shkak të interesimit të madh, deri më tani janë kryer konsultime me rreth 300 çifte. Gjatë muajit shkurt, sipas planit, pritet të fillohet me stimulimin e vezoreve tek rastet paraprake, dhe në fazën tjetër të fillojnë aplikimet e para për IVF.
Aktualisht, QKUK po punon për implementimin e projektit të IVF-së, duke u fokusuar në përzgjedhjen dhe klasifikimin e rasteve, si dhe në përgatitjen e fazave të ardhshme të trajtimit.
Mundesh me e lexu edhe…
Ky projekt synon të ofrojë mundësi trajtimi për çiftet që përballen me probleme të fertilitetit dhe rritjen e normës së lindshmërisë në vend.
Kujtojmë se në dhjetor të 2024 ishte përuruar shërbimi i ri për Frytnimin e Asistuar Mjekësor, në Klinikën e Gjinekologjisë në Qendrën Klinike Universitare të Kosovës (QKUK). Ky shërbim do të jetë falas për dy herët e para, ndërsa pas tyre do të kushtojë 670 euro./Katror.info
Përgatiti:
