Skuadra shqiptare nga Kosova e CS:GO, Bad News Eagles, duket se është në prag të një rikthimi të shumëpritur.
Një postim i fundit në llogarinë zyrtare të tyre në Instagram ka ngritur dyshime për një rikthim të mundshëm, duke ngjallur entuziazëm te tifozët dhe komuniteti i CS:GO.
“Vitet kanë kaluar që kur ata ndanë për herë të fundit të njëjtin qëllim, të njëjtin pasion, të njëjtin zjarr. Ekipi që dikur kishte pushtuar çdo sfidë, sfiduar të gjitha gjasat dhe kishte bërë histori së bashku, ishte ndarë në rrugë të ndryshme”.
Mundesh me e lexu edhe…
“Çdo anëtar kishte ndjekur rrugën e tij, duke ndjekur ëndrra të reja, mundësi të reja dhe fillime të reja. Por, lidhja që ata kishin krijuar, e farkëtuar në zjarrin e fitoreve të panumërta dhe pengesave të shumta, kurrë nuk ishte shuar plotësisht”.
“Po sikur të bashkoheshim përsëri?”, shkruhet në postimin e Bad News Eagles.
E njëjta fotografi është shpërndarë gjithashtu nga Rigon “rigoN” Gashi, një nga lojtarët kyç të ekipit në të kaluarën, duke e bërë edhe më të fortë spekulimin për një rikthim të ekipit në skenën garuese.
Bad News Eagles kanë qenë një nga ekipet më të njohura shqiptare në CS:GO, duke u bërë të famshëm për paraqitjet e tyre mbresëlënëse në turnetë ndërkombëtarë.
Rikthimi i tyre do të ishte një lajm i madh për skenën shqiptare dhe rajonale të eSports.
Mbetet të shihet nëse ekipi do të konfirmojë zyrtarisht planet për të ardhmen, por postimi i tyre lë të kuptojë se ribashkimi do të ndodh shumë shpejtë.
Ndryshe, Bad News Eagles ishte përbërë nga lojtarët: Genc “gxx-” Kolgeci, Flatron “juanflatroo” Halimi, Sener “SENER1” Mahmuti, Dionis “sinnopsyy” Budeci dhe Rigon “rigoN” Gashi.
Përgatiti:
