Rreth 9,000 pëllumba paqeje të bërë prej letre janë varur nga tavanet e një abaci si pjesë e një instalacioni arti të ri “mahnitës.”
Pëllumbat prej letre në Abacinë e Tewkesbury, në Gloucestershire, janë zbukuruar me mesazhe “dashurie dhe paqeje” nga shkolla lokale, grupe të komunitetit si dhe banorë.
Organizatorët thanë se ‘Pëllumbat e Paqes’, nga arti i artistit lokal Peter Walker, janë bërë të gjallë duke përdorur një shfaqje dritash dhe tingujsh, shkruan BBC, përcjell Katror.info.
Mundesh me e lexu edhe…
Reverendi Canon Nick Davies tha se është një punë unike.
“Ka një pamje shumë tërheqëse,” tha ai.
“Shfaqja e tingujve dhe dritave, e cila do të shfaqet në mbrëmje, do të ketë muzikë të kompozuar posaçërisht dhe efekte speciale, mendoj se do të jetë edhe më mbresëlënëse”, shton ai.
Çdo pëllumb letre ka një mesazh të shkruar nga mendimet e njerëzve për paqen.
“Pastaj ato janë mbledhur në këtë instalacion masiv dhe na ofrojnë argëtim gjatë gjithë shkurtit.”
Caroline Baldwin tha se djali i saj 10-vjeçar shkroi një mesazh në një nga pëllumbat.
“Ai tha diçka si, ‘nuk do të ishte bukur nëse njerëzit ishin të mirë’.
“Mesazhi i tij ishte për njerëzit që të jenë të mirë dhe të sjellshëm me njëri-tjetrin,” tha ajo.
“Është e mrekullueshme që fëmijët janë të përfshirë në këtë punë arti dhe kjo i ndihmon ata të jenë më të vetëdijshëm për ta shprehur shpresën e tyre, mendoj se është e mrekullueshme”, shtoi ajo tutje.
Ajo tha se shkolla e djalit të saj, Mitton Manor Primary School, ka bërë një përpjekje të madhe që nxënësit e saj të marrin pjesë.
“Është fantastike. Hyn dhe është thjesht mahnitëse, vërtet pittoreske”, përfundon ajo. /Katror.info
Përgatiti:
