Qeveria në detyrë e Republikës së Kosovës ka mbajtur një mbledhje elektronike, ku është themeluar Këshilli Shtetëror për shënimin e 27-vjetorit të Epopesë së Ushtrisë Çlirimtare të Kosovës. Ky këshill do të koordinojë aktivitetet dhe ngjarjet për nderim të kësaj ngjarjeje historike për vendin, shkruan Katror.info.
Sipas njoftimit të ekzekutivit, kryetar i këshillit është caktuar Ejup Maqedonci, ministër në detyrë i Mbrojtjes, ndërsa bashkëkryesues është Fadil Nura, kryetar i Komunës së Skenderajt. Anëtarë të tjerë të këtij këshilli janë Hajrulla Çeku, ministër në detyrë i Kulturës, Rinisë dhe Sportit, dhe Elbert Krasniqi, ministër në detyrë i Administrimit të Pushtetit Lokal.
Po ashtu, këshilli përfshin Bashkim Jasharin, Komandant i Forcës së Sigurisë së Kosovës, Gazmend Hoxhën, Drejtor i Përgjithshëm i Policisë së Kosovës, si dhe përfaqësues nga organizatat e dala nga Lufta e Ushtrisë Çlirimtare të Kosovës. Këshilli ka ftuar gjithashtu përfaqësues nga Zyra e Presidentes, Kuvendi i Kosovës dhe Asociacioni i Komunave të Kosovës për t’u bashkuar në këtë iniciativë.
Mundesh me e lexu edhe…
Ky përbërje do të udhëheqë aktivitetet e planifikuara për nderim të 27-vjetorit të Epopesë, një ngjarje që ka një rëndësi të jashtëzakonshme për historinë e Kosovës./Katror.info
Përgatiti:
