Një prej ngjarjeve më të mëdha të artit bashkëkohor në vend e në skenën ndërkombëtare po merr formë çdo herë e më shumë për edicionin e pestë që planifikohet të hapet në fillimkorrik. Përgatitjet për një edicion të suksesshëm fillojnë shumë herët. Puna, e kuruar nga Erzen Shkololli këtë edicion, është në proces. “Vlen të përmendet që ky edicion i Bienales është i veçantë për shkak se ne e zgjasim periudhën e Bienales dhe për një muaj, tash nga dy, kemi tre muaj program të pasur publik”, ka thënë Vatra Abrashi, një nga tre themeluesit e “Autostradës Biennale”
E dëshmuar ende pa i rrumbullakuar një dekadë si një nga dhjetë ekspozitat më të mira në Evropë nga prestigjiozja “Frieze”, “Autostrada Biennale” edhe sivjet synon të dëshmojë po atë kualitet, e madje të shkojë përtej. Me zgjerimin e shtrirjes së artit dhe me zgjatjen e periudhës së qasjes në ekspozitën e saj, edicioni i pestë e thellon edhe më tej magjinë e artit bashkëkohor. Puna, e kuruar nga Erzen Shkololli këtë edicion, është në proces. E javën që vjen “Autostrada…” e cila e ka zanafillën qysh më 2014 dhe doli me debutoi si Bienale më 2017, do t’i bëjë publike temën, konceptin kuratorial e detaje të tjera, shkruan Koha.net.
Një prej ngjarjeve më të mëdha të artit bashkëkohor në vend e në skenën ndërkombëtare po merr formë çdo herë e më shumë për edicionin e pestë që planifikohet të hapet në fillimkorrik. Përgatitjet për një edicion të suksesshëm fillojnë shumë herët.
Mundesh me e lexu edhe…
Janë edhe veprat e komisionuara që janë veçanti e kësaj ngjarjeje ku artistët mblidhen në hapësirat e ngrohta në hangarët ku bëhet krejt puna e një ngjarjeje që arrin të depërtojë përtej kufijve me art. Të zgjidhet si një prej dhjetë më të mirave nga një revistë prestigjioze në botën e artit. Qysh në nëntorin e 2023-tës, disa muaj prej mbylljes së ekspozitës së katërt, “Autostrada…” ka dhënë shenjat e përgatitjeve të edicionit të radhës. Atë kohë u shpall kuratori i edicionit të sivjetmë – artisti e kuratori Erzen Shkololli.
Një nga tre themeluesit e “Autostradës Biennale”, Vatra Abrashi, ka bërë të ditur se së shpejti do të lansohet tema e sivjetme. Ajo ka treguar se ndërkohë po vazhdojnë përgatitjet intensive për edicionin që e sjell botën e artit bashkëkohor në qytetin historik të Prizrenit.
“Përgatitjet kanë filluar prej vitit të kaluar realisht. Në nëntor të vitit 2023 kemi lansuar edhe kuratorin e edicionit, e që është Erzen Shkololli, pastaj gjatë vitit 2024 kemi punuar shumë ngushtë me të në përgatitjet e edicionit. Kemi mikpritur shumë artistë nga vende të ndryshme që kanë ardhur ta vizitojnë qytetin dhe ‘Autostradën…’, për t’i parë hapësirat tona dhe të njoftohen më mirë me kontekstin tonë lokal si dhe të mendojnë për veprat e tyre dhe t’i shohin hapësirat potenciale ekspozuese për veprat e tyre”, ka thënë ajo.
Ka thënë se me vizitën e artistëve në Prizren dhe me njohjen e historisë së vendit e hapësirave, viti i kaluar ka qenë edhe vit i hulumtimit të programit kuratorial. Ka bërë të ditur se lista e artistëve pjesëmarrës është drejt finalizimit dhe se ajo pritet të finalizohet në muajin maj.
“Kemi një program goxha të pasur që u paraprin përgatitjeve për edicionin e Bienales. Deri tash janë përzgjedhur shumica e artistëve, por kuratori ende është në kontakt me artistët e edicionit. Si listë përfundimtare mendojmë ta lansojmë në maj të këtij viti, mirëpo koncepti artistik pritet të dalë javën e ardhshme ku lansohet tema e edicionit, përmenden hapësirat si dhe elaborohen artistët”, ka thënë Abrashi.
Por “Autostrada…” vjen më e zgjeruar kësaj here sa i përket periudhës kohore.
“Ka shumë risi që do të lansohen. Vlen të përmendet që ky edicion i Bienales është i veçantë për shkak se ne e zgjasim periudhën e Bienales edhe për një muaj, tash nga dy, kemi tre muaj program të pasur publik. Ekspozita do të jetë e hapur edhe gjatë gjithë shtatorit. Përgatitjet paralele po zhvillohen me artistët për veprat e tyre që do të prodhohen e ekspozohen në hapësirat e Bienales”, ka bërë të ditur bashkëthemeluesja e Bienales për art bashkëkohor.
Vetë hapësira ku “Autostrada…” vepron, është identitare për punën e organizatës me të njëjtin emër. Prej shtatorit të vitit të kaluar hapësirës me shumë funksione i janë shtuar edhe Hangari II, Teatri i Hapur dhe Rezidenca për Artistë. Kjo kishte qenë risia e jubileut zanafillës së “Autostradës…” e me inaugurimin e tyre është festuar një dekadë aktivitet, sukseset dhe arti bashkëkohor vendor në përgjithësi.
Abrashi ka thënë se zgjerimi i hapësirave u ndihmon jashtëzakonisht shumë për të realizuar programet e tyre e veçmas kryengjarjen e tyre, “Autostradën Biennale”.
“Kemi më shumë mundësi për t’i realizuar edhe programet tona, por në anën tjetër edhe veprat artistike për shkak se njëra hapësirë në ‘Hangar 2’ është multifunksionale. Aty do të mbahen evente të ndryshme, programet e edukimit, diskutime, mbrëmje muzikore. Pastaj Teatri i Hapur është një potencial tjetër i jashtëzakonshëm për shkak se aktivitetet e jashtme që kemi pasur, pra me hapjet, na ndihmon shumë. Pastaj kemi edhe Rezidencën ku artistët vijnë para se t’i krijojnë veprat e tyre”, është shprehur ajo derisa ka thënë se tani kanë hapësirën adekuate edhe për ruajtjen e veprave ekspozuese.
“Është edhe depoja profesionale e veprave të artit. Pra veprat që po vijnë e kanë destinimin ku po ruhen deri në momentin e instalimin. Kështu që zgjerimi i hapësirave na e lehtëson punën dhe na ndihmon që në mënyrë sa më profesionale t’i organizojmë edhe përgatitjet, edhe organizimin e Bienales”, ka thënë Abrashi.
Ekspozita është multimediale. Sikur në edicionin e kaluar, Abrashi ka bërë të ditur se sivjet veprat janë instalacione, piktura fotografi e video.
Në edicionin e kaluar që u mbajt prej 7 korrikut deri më 9 shtator, artistë nga e gjithë bota ekspozuan artin e tyre në dy hangarë si dhe nëpër hapësirat e Qendrës për Trajnime dhe Inovacion në Prizren si dhe në krejt qendrën historike të qytetit. Edhe sivjet bashkëkohorja komunikon me tradicionalen nëpërmjet veprave që do të vendosen aty.
Vatra Abrashi ka treguar se për këtë edicion një objekt i trashëgimisë kulturore do të kthehet në galeri gjatë tremujorit të shpalosjes së artit të Bienales.
“Në këtë edicion ka edhe hapësira të reja që do të përdoren. Ka hapësira të trashëgimisë kulturore. Është një shtëpi private si objekt i trashëgimisë kulturore që do të shndërrohet në galeri. Janë edhe tre hangarë në ITP, në bashkëpunim me të cilin shndërrohen në hapësira ekspozuese. Kështu që afërsisht rreth dhjetë hapësira ekspozuese do të jenë gjatë edicionit të Bienales”, ka thënë ajo.
Edicioni i katërt me temën “Të gjitha imazhet do të zhduken një ditë”, kuruar nga turkja Övül O. Durmuşoğlu dhe polakja Joanna Warsza përmbante 17 komisione të reja të shpërndara në tri qytete të Kosovës: Prizren, Prishtinë dhe Mitrovicë. Ishin gjithsej 35 vepra artistësh e grupesh. Po kjo ekspozitë u zgjodh si njëra prej top-dhjetë ekspozitave më të mira në Evropë nga “Frieze”. /Koha.net /Katror.info
Përgatiti:
