Boksieri kosovar, Robin Krasniqi, do t’i rikthehet skenës së boksit në Audi Dome në Mynih ditën e sotme, më 25 shkurt. Këtë e ka bërë të ditur sponsori kryesor i Krasniqit, Burim Hazrolli.
Krasniqi do të përballet me Timur Nikarkhoevin në Mynih. Bashkëshortja e tij, Marigona Krasniqi përmes një postimi në Facebook i ka uruar atij fitoren.
“Dashuria ime, të uroj shumë fat dhe suksese në ndeshjen e sotme, shpresoj që të gjitha përpjekjet tua të shpërblehen. Përgjithmonë kampioni ynë. Të duam shumë, Marigona & Mayson.”
Mundesh me e lexu edhe…
Më herët Hazrolli ka thënë për RTV Dukagjinin se Robin Krasniqi do të kthehet në skenën e boksit me disa ndryshime, duke filluar nga ndërrimi i trajnerit, pasi që ai ka përzgjedhur ish-mundësin e tij në kategorinë gjysmë të rëndë në versionin WBA, të vitit 2015, Juergen Braerhmer, në rolin e trajnerit.
Gjermani Braehmer do ta udhëheqë nga këndi boksierin Krasniqi.
Krasniqi ka bashkëpunuar për kohë të gjatë me Magomet Schaburow. Por tani për trajner e ka 44-vjeçarin Braehmer.
Ai ka deklaruar se ka bërë bashkë dy kampionë dhe do t’i rikthejë në ring, në Mynih të Bavarisë.
Ndërsa sa i përket Robin Krasniqit, Hazrolli ka deklaruar se Robini kurrë nuk ka qenë më në formë se tani dhe se është një stërvitje jashtëzakonisht e madhe.
Përveç Krasniqit, në Audi Dome do të boksojnë edhe shqiptarë të tjerë, si Kushtrim Tahirukaj, Armend Xhoxhaj, Isuf Kelmendi, James Kraft etj.
Hazrolli ka thënë se ata do të boksojnë për shtetin gjerman, aty jetojnë.
Kujtojmë se Robin Krasniqi ka 51 fitore dhe 7 humbje në karrierë. Ndërsa së fundi ka boksuar më 9 tetor 2021, ku ka humbur, me një vendim të dyshimtë të gjyqtarëve, nga Dominick Bozell./Katror.info
Përgatiti:
