Mercedes-Benz deklaroi të mërkurën se nënshkroi një marrëveshje me Google për navigimin, e cila do të ofrojë “parametra të ngjashëm me atë të një superkompjuteri” në të gjitha makinat e pajisura me sensorë për drejtim automatik, duke u përpjekur të konkurrojë me Tesla dhe modelet e reja kineze.
Shtëpitë automobilistike të vjetra dhe të reja janë në garë për të përshtatur funksionet software të zhvilluara nga Tesla, duke u lejuar të azhurnojnë në distancë parametrat e automjetit, autonominë e baterisë dhe aftësinë për drejtim autonom, shkruan Reuters.
Shtëpia automobilistike gjermane pranoi të ndajë të ardhurat me prodhuesin e gjysmëpërcjellësve Nvidia Corp, partner për software në drejtimin autonom që nga viti 2020, për të reduktuar koston fillestare të blerjes së gjysmëpërçuesve të shtrenjtë me fuqi të lartë, deklaroi të mërkurën, drejtuesi ekzekutiv, Ola Kaellenius.
Mundesh me e lexu edhe…
Prodhuesi i sensorëve për drejtimin autonom Luminar Technologies Inc, në të cilin Mercedes zotëron një pjesë të vogël të aksioneve, deklaroi të mërkurën se ka arritur një marrëveshje shumë miliardë dollarëshe me shtëpinë automobilistike për të përfshirë sensorët e tij në një gamë më të gjerë makinash brenda gjysmës së dekadës, duke i rritur aksionet e Luminar më shumë se 25%.
Bashkëpunimi me Google
Mercedes deklaroi se bashkëpunimi me Google do t’i mundësojë të ofrojë informacione mbi trafikun dhe ridrejtim automatik në makinat e tij.
Drejtuesit mund të shohin edhe YouTube në sistemin e argëtimit të makinave kur automjeti është i parkuar apo në modalitetin e drejtimit autonom, në nivelin 3, i cili i mundëson drejtuesit të heqë sytë nga timoni në rrugë të caktuara, me kushtin që të rifillojë kontrollin nëse është e nevojshme.
Shtëpi të tjera automobilistike si General Motors, Renault, Nissan dhe Ford kanë përfshirë një paketë të plotë shërbimesh të Google në makinat e tyre, duke ofruar funksione si Google Maps, Google Assistant dhe aplikacione të tjera.
Të gjitha makinat në platformën e ardhshme të arkitekturës modulare të Mercedes do të kenë gjithashtu të ashtuquajturat hiperekranë, që shtrihen në kabinën e makinës, tha kompania të mërkurën./Katror.info
Përgatiti:
