Ish-futbollistja me prejardhje nga Kosova, Elena Sadiku, është emëruar trajnere e skuadrës së njohur angleze, Everton, në grupmoshat e reja U21 për kategorinë e femrave.
Këtë e ka bërë të ditur vetë klubi përmes një njoftimi në faqen zyrtare, teksa Sadiku është shprehur e lumtur për detyrën e re.
Sadiku është vetëm 29-vjeçare. Ajo ishte detyruar të pensionohet herët nga futbolli shkaku i lëndimeve. Së fundmi si futbolliste ishte pjesë e klubit suedez Hammarby.
Mundesh me e lexu edhe…
Kurse si asistente-trajnere, ajo punoi në tri vende gjatë karrierës. Te skuadrat: Bejing BG Phoenix, Rosengard dhe Fortuna Hjorring.
Në një prononcim ekskluzivisht për ‘GazetaBlic Sport‘, ajo tha se është e lumtur dhe e emocionuar me këtë hap të madh në karrierën e saj.“Jam e lumtur dhe e emocionuar me rolin tim këtu në Everton U21, sepse mendoj se ky është hapi i duhur për zhvillimin tim si trajnere. Kjo është gjithashtu një kohë e shkëlqyer për mua që kur kam filluar licencën time UEFA PRO këtë vit“, tha fillimisht ajo.
🆕 | Elena Sadiku has been appointed as Everton’s WSL Academy head coach.
An experienced former professional in the Swedish top-flight, the 29-year-old joins the Blues’ Academy on a maternity cover basis.— Everton Women (@EvertonWomen) April 7, 2023
Më pas, Sadiku tha se punon çdo ditë që të jetë më e mira dhe se ka synimin e madh që një ditë të jetë trajnerja më e mirë në botë.
“Unë punoj shumë çdo ditë që të jem më e mirë në profesionin tim. Kjo do t’i kontribuojë lojtarëve dhe stafit me të cilët punoj për të zhvilluar dhe performancë më të mirë. Por, synimi afatgjatë është sigurisht të jem një nga trajneret më të mira në botë“, përfundoi Sadiku./Katror.info
Përgatiti:
