Më 23 prill filloi edicionin i dytë i evenimentit #VAJZATNËTIK23.
Në kuadër të këtij aktiviteti, i cilo do të zgjasë 6 ditë do të organizohen mbi 60 aktivitete, në Prishtinë e gjithandej Kosovës, deri më 28 prill.
Nënkryetarja e Komunës së Prishtinës, Donjeta Sahatçiu njoftoi në rrjetin e saj Facebook për interesimin e mbi 350 pjesëmarrëseve vetëm ditën e djeshme, si dhe tregoi për aktivitetet që do të realizohen gjatë ditës së sotme.
“Mirëmëngjesi me super energji! Interesimi gjithandej për #VAJZATNËTIK23 po vazhdon – mbi 350 pjesëmarrës/e vetëm dje! Super krenare!
E filluam ditën 4 dje në Drenas në ambientet e hapësirës publike në shfrytëzim për zhvillim të rinisë Flutura Academy, për të vazhdu në shkolla e qendra kompetence e karriere në Lipjan, Prizren, Fushë Kosovë, Malishevë, Shtime e Viti me tregime inspiruese nga super gratë e WOMEN in STEM Kosovo dhe Women in Tech Kosovo.
Vazhduam në Prishtinë me kurs online nga YMCA in Kosovo, punëtori për shkathtësi digjitale me Besmire Aliu dhe In Time tek Qendra për Praktikë Rrëfyese, vizitë dhe punëtori e jashtëzakonshme për përdorim aty për aty të inteligjencës artificiale në MetDaan Media me She Inspires dhe Innovemia, me tregimin inspirues të ndërtimit të kompanisë partnere Growzillas, për të mbyllë ditën me bashkëbisedim terapeutik për randësinë e shëndetit mendor në karrierën në TIK me super ekipin e Hajde Folim në hapësirën më të re zen në Prishtinë, ZenVen nga super çikat e Open Data Kosovo.
Wow. Wow. Wow. FALEMINDERIT!
Sot na pret një ditë edhe më e gjallë! Ndër to, panair i punës me IPKO Foundation dhe RIT Kosovo në kampusin e universitetit RIT. Pastaj gara e parë e vajzave në esports me STIKK – Kosovo ICT Association dhe XPortalEsports, F*ck Up night e plot ngjarje ditën me Innovation Centre Kosovo, muzikë e qejf – të gjitha këto në pjesën e djegur të Pallatit të Rinisë. Shihemi!
Mos harroni, transportin publik e keni falas me Trafiku Urban Prishtinë.
Mbështetur nga USAID Compete Activity dhe Enhancing Youth Employment (EYE).
Girls in ICT Kosovo“, shkroi Sahatçiu./Katror.info