Fernando Alonso nuk i është përgjigjur një pyetjeje nëse është apo jo në lidhje me Taylor Swift.
Piloti i F1 ka qenë i lidhur me një marrëdhënie romantike me muzikantin e njohur pas ndarjeve të tyre nga partnerët.
Alonso , 41 vjeç, njoftoi ndarjen e tij nga e dashura Andrea Schlager në fillim të këtij muaji në një kohë të ngjashme kur Swift u nda nga partneri afatgjatë Joe Alwyn, shkruan The Sun.
Mundesh me e lexu edhe…
Pas kësaj ‘shpërthyen’ thashetheme se të dy po takohen, pasi Alonso nxiti dyshimet me një postim në TikTok.
Ai ka komentuar në një video “Feeling 33”, që mendohet se është referencë për këngën e këngëtares “22”.
Në videon virale është duke dëgjuar këngën hit të këngëtares ‘Karma’ përpara se t’ia bëjë me sy kamerës.
Dhe tani ai ka refuzuar të komentojë thashethemet gjatë një interviste përpara “Grand Prixe” të Azerbajxhanit këtë fundjavë.
Një gazetar i tha Alonsos gjatë një interviste, “Më duhet ta pyes këtë ose do të lija një hapësirë boshe, por dhe e di që është potencialisht historia juaj e dashurisë dhe e askujt tjetër”.
“Natyrisht, jo, nuk kam asgjë për të thënë. Unë u përgjigja tashmë. Nuk kam asgjë për të thënë. Është shumë e ndërlikuar, formati i Baku tashmë, jam i sigurt që keni shumë pyetje”, tha Alonso duke evituar të përgjigjej për romancën e mundshme.
Thashethemet ai i kishte adresuar më sinqerisht për Marcan teksa tha: “Zakonisht e mbaj të ndarë jetën time personale dhe profesionale.
“Preferoj të mos e komentoj”, ishte shprehur ai.
Shoferi i Aston Martin ka fituar një reputacion si një “playboy” gjatë viteve pas një sërë marrëdhëniesh të profilit të lartë.
Ai ka pasur një fillim të mirë në sezonin aktual të F1 pasi ka përfunduar i treti në secilën nga tre garat e deritanishme.
Alonso është i treti në kampionatin e pilotëve që shkon në garën në Baku këtë fundjavë. /Katror.info
Përgatiti:
