Ajo dukej mahnitëse në tapetin e kuq e veshur me një fustan të zi të tejdukshëm në Met Gala 2023, që u mbajt në Muzeun Metropolitan në New York City të hënën në mbrëmje.
Dhe disa orë më vonë, Rita Ora ndryshoi pamjen e saj magjepsëse për një alternativë më seksi, teksa u nis për në pas-ndejën e mbajtur në “Zero Bond”, shkruan DailyMail.
Këngëtarja 32 vjeçe, shfaqi fizikun e saj të tonifikuar e veshur me një kordele të zezë, e cila ishte stolisur me shumë zinxhirë ari dhe perla gjithandej.
Mundesh me e lexu edhe…
Rita e shoqëroi pamjen që binte në sy me një pallto me gëzof dhe lëkurë gjarpri, ndërsa kishte veshur një palë geta opake me taka të larta.
Pamja përfshinte gjithashtu një palë vathë të mëdhenj dhe një sërë rrathësh të trashë, të kombinuar me një syze mjaft atraktive.
Rita i la flokët e saj bionde në valë të lirshme dhe kishte aplikuar një makijazh kryesisht të bronztë në fytyrë.
Ylli me origjinë nga Kosova dukej se po e shijonte në maksimum momentin, teksa buzeqeshi dhe ua bëri me dorë kamerave.
Më herët në mbrëmje, ajo u shfaq veshur me një fustan të zi të tejdukshëm, të kompletuar me një bisht të madh dramatik që theksonte çdo centimetër të figurës së saj trupore.
Rita, e cila njihet për pamjen e saj të guximshme, bëri që e gjithë vëmendja të kthehet nga ajo me fustanin e saj “Prabal Gurung”.
Fustani i saj kishte një dantellë me lule dhe byrynxhyk të vendosur në mënyrë perfekte, ndërsa bishti i saj rridhte me sa duket për kilometra pas saj dhe poshtë shkallëve ikonike.
Rita e kompletoi pamjen me bizhuteri të markës “Buccellati” me vlerë gati 90 mijë dollarë (80 mijë euro), duke përfshirë një manshetë ari, byzylyk me perla dhe vathë – së bashku me zgjatime të gjata diamanti që vareshin nga thonjtë e saj të zbukuruar në mënyrë perfekte.
Rita Ora në Met Gala 2023 u paraqit e shoqëruar nga bashkëshorti i saj, Taika Waititi. /Katror.info
Përgatiti:
