Shumë pyesin veten pse Kate Middleton ulet kur flet me fëmijët – një truk psikologjik i një psikologu të famshëm që mund të ndihmojë shumë prindër!
Kate Middleton dhe Princi William shfaqen shpesh në publik me trashëgimtarët e tyre dhe në momente të tilla mediat vërshojnë me foto dhe xhirime të panumërta.
Në bazë të shumë regjistrimeve, mund të merret me mend se çfarë marrëdhëniesh ka çifti mbretëror me fëmijët e tyre, transmeton Telegrafi.
Kaq shumë njerëz qeshën me videon kur Kate përpiqet të qetësojë princin djallëzor Louis, ose marrëdhënien emocionale midis William dhe Princeshës Charlotte.
Shumë ekspertë të interpretimit të sjelljes së familjes mbretërore kanë vënë re se William dhe Kate kanë një ngjashmëri kur u drejtohen fëmijëve kur janë të vegjël – ata gjunjëzohen duke folur me të vegjlit.
Meqenëse kjo situatë shfaqej shpesh në fotot e familjes mbretërore, shumë besojnë se Kate dhe William po rrisin dhe rritin fëmijë duke ndjekur metodat e psikologut të famshëm Carl Rogers, i cili në vitin 1957 e quajti këtë lloj komunikimi me fëmijët “dëgjim aktiv”.
Dëgjimi aktiv është një teknikë komunikimi që konsiston në dëgjimin e të tjerëve me kujdes dhe me ndjeshmëri. Ju lejon të krijoni besim, duke respektuar tjetrin në mënyrë që bashkëbiseduesi të shprehet lirshëm, pa frikë nga gjykimi i nxituar dhe pa presion. Është një metodë që krijon kushte për dialog të hapur dhe mirëkuptim të ndërsjellë.
Kur prindërit flasin me fëmijët e tyre nga lart, ka një distancë të caktuar mes tyre, keqkuptimet ndodhin më shpesh dhe fëmija mund të ndihet konfuz, sepse komunikimi nuk është i drejtpërdrejtë – sy më sy.
Nga ana tjetër, kur një prind ulet dhe shikon në sy fëmijën duke folur me të, ai i kupton më mirë dhe më lehtë mesazhet e të rriturve, zhvillohet afërsia dhe një lloj ndjeshmërie.
Kate dhe William e kanë futur këtë truk psikologjik, duke gjykuar nga fotot, në edukimin dhe komunikimin e tyre të përditshëm me fëmijët. Ndoshta do t’ju ndihmojë të lidheni më mirë dhe t’i përcillni më lehtë mesazhin djalit ose vajzës suaj. /Katror.info
Përgatiti:
