Shefja shqiptare e Teknologjisë në kompaninë OpenAI, Mira Murati, ka njoftuar përmes një postimi në Twitter se aplikacioni i ChatGPT-s për iOS tani është i disponueshëm në një sërë vendesh të tjera përfshirë Shqipërinë.
ChatGPT app for iOS now in 🇦🇱🇭🇷🇫🇷🇩🇪🇮🇪🇯🇲🇰🇷🇳🇿🇳🇮🇳🇬🇬🇧 and more to come soon!— Mira Murati (@miramurati) May 24, 2023
Ditë më parë, ajo njoftoi se ky aplikacion për përdoruesit iOS është lansuar në SHBA, transmeton Telegrafi.
Just launched the ChatGPT iOS app! https://t.co/QC2Ec7Jshs
Now in the US, world soon. Android next.
— Mira Murati (@miramurati) May 18, 2023Tani, aplikacioni i këtij chatboti për përdoruesit iOS është lansuar në Shqipëri, Kroaci, Francë, Gjermani, Irlandë, Xhamajkë, Kore të Jugut, Zelandë të Re, Nicaragua, Nigeri dhe në Mbretëri të Bashkuar.
Mundesh me e lexu edhe…
Siç njoftoi Murati ditë më parë, aplikacioni pritet të vijë edhe për përdoruesit android.
Chatboti me Inteligjencë Artificiale, ChatGPT i kompanisë OpenAI, ka fituar mjaft popullaritet tek përdoruesit nëpër botë, që kur u lansua muaj më parë.
ChatGPT mund të kthejë përgjigje të ngjashme me atë të njeriut, dhe mund të shërbejë si mjet për detyra të shumta e një ndër to edhe për kodim.
Ndryshe, shefja e teknologjisë në kompaninë OpenAi, që zhvilloi programin tashmë të popullarizuar ChatGPT, Mira Murati, ditë më parë përmes një video-mesazhi ka ftuar të gjithë që të marrin pjesë në edicionin jubile të konferencës së teknologjisë, Dokutech, që mbahet në Prishtinë më 27 dhe 28 maj.
Gjatë konferencës, Mira Murati do ta adresojë fjalimin e saj online, në të cilin do të flasë për misionin e OpenAI dhe planet e së ardhmes. Gjatë nëntë edicioneve të kaluara, DOKUTECH ka shënuar suksese të mëdha, duke sjellë në Kosovë disa prej emrave më të njohur botërisht në fushën e teknologjisë dhe inovacionit. /Katror.info
Përgatiti:
