Shenjat e zbuluara në muret e një shpelle në Francë janë “të organizuara dhe të qëllimshme” dhe ndoshta janë bërë nga Neandertalët më shumë se 57,000 vjet më parë, thanë shkencëtarët.
Këto shenja, të gjetura në muret e shpellës La Roche-Cotard në Francën veriore, mendohet të jenë gdhendjet më të vjetra të njohura të bëra nga një i afërm i zhdukur i njeriut.
Studiuesit thanë se gjetjet e tyre, të publikuara në revistën Plos One, ofrojnë prova të mëtejshme se Neandertalët ishin “krijesa komplekse dhe të larmishme”, shkruan Katror.info.
Mundesh me e lexu edhe…
Autorët shkruajnë se pesëmbëdhjetë vjet pas vazhdimit të gërmimeve në La Roche-Cotard, “janë zbuluar gravura që datojnë më shumë se 57,000 vjet … duke e bërë atë shpellën më të vjetër të gdhendjeve në Francë, nëse jo në Evropë”.
Për studimin, Jean-Claude Marquet nga Universiteti i Tours në Francë dhe kolegët e tij analizuan shenjat e mureve. Ata arritën në përfundimin se ishin të qëllimshme, bazuar në formën, ndarjen dhe rregullimin e tyre.
Llojet e shenjave të gjetura ishin rrethore, pika, trekëndore dhe të valëzuara.
Format e organizuara dhe të qëllimshme mund të jenë krijime simbolike, thanë studiuesit, por shtuan se ata nuk ishin në gjendje të thonë me siguri “nëse (ato forma) përfaqësojnë të menduarit simbolik”.
Zbulimet e reja në shpellat afrikane po ndryshojnë të kuptuarit e evolucionit njerëzor
Megjithatë, kuptimi ynë i marrëdhënies midis Neandertalëve dhe simboleve, madje edhe zonave estetike, ka pësuar një transformim domethënës gjatë dy dekadave të fundit dhe gjurmët e ruajtura në shpellën e La Roche-Cotard japin një kontribut të ri dhe shumë të rëndësishëm në njohuritë tona për sjelljet e Neandertalit.
Ekipi gjithashtu datoi sedimentet e shpellave dhe arriti në përfundimin se shpella La Roche-Cotard ishte mbyllur për shkak të mbushjes së sedimentit rreth 57,000 vjet më parë, shumë kohë përpara se njerëzit modernë të vendoseshin në rajon.
Shenjat, së bashku me veglat prej guri të gjetura në shpellë, ofrojnë prova të forta se gdhendjet janë vepër e Neandertalëve, thanë studiuesit. /Katror.info
Përgatiti:
