Kompanitë në Belgjikë po përdorin gjithnjë e më shumë inteligjencën artificiale për punësim.
Sipas hulumtimit të bërë nga kompania e burimeve njerëzore “Manpower”, rreth 30 nga 100 kompani belge, përdorin inteligjencën artificiale për punësim, një përqindje që pritet së shpejti të rritet në afro 50%.
10% e 510 punëdhënësve të intervistuar në Belgjikë në hulumtim thonë se kanë përdorur inteligjencën artificiale për një kohë të gjatë dhe se 21% kanë deklaruar se së fundmi po e zbatojnë atë.
Mundesh me e lexu edhe…
Ndërkaq, 18% e kompanive thonë se brenda 12 muajve do të kalojnë në aplikacionet e inteligjencës artificiale. Kompanitë përdorin robotë të inteligjencës artificiale në fazat e tyre të rekrutimit, nga shqyrtimi i CV-ve deri te intervistat fillestare, transmeton KultPlus.
“Punëdhënësit belgë vunë re avantazhet e teknologjisë. Vetëm 15% e punëdhënësve mendojnë se inteligjenca artificiale do të ketë ndikim negativ në punësim”, tha drejtuesi i kompanisë “Manpower”, Sebastien Delfosse.
Shumica e drejtuesve të kompanive hodhën poshtë shqetësimet se përdorimi i inteligjencës artificiale do të çojë në rritjen e papunësisë. 15% e të anketuarve thanë se kjo teknologji do të reduktojë numrin e personelit në 2 vitet e ardhshme, 49% se inteligjenca artificiale do të krijojë vende të reja pune./Katror.info
Përgatiti:
