Korriku i vitit 2023 ka të ngjarë të jetë muaji më i ngrohtë i regjistruar në “qindra, nëse jo mijëra, vjet”, thanë shkencëtarët kryesorë të NASA-s gjatë një tryeze të rrumbullakët me gazetarët, duke paralajmëruar se nxehtësia vetëm do sa të përkeqësohet.
“Ne po shohim ndryshime të paprecedenta në të gjithë botën. Valët e të nxehtit që po shohim në SHBA, Evropë dhe Kinë, dhe duke i thyer rekordet majtas, djathtas dhe në qendër. Kjo nuk është një surprizë”, thotë Gavin Schmidt, Drejtor i Institutit Goddard të NASA-s për Studimet Hapësinore.
Qershori i vitit 2023 ishte tashmë qershori më i nxehtë i regjistruar dhe korriku ka të ngjarë të jetë muaji më i nxehtë në përgjithësi. “Ne e dimë nga shkenca se aktiviteti njerëzor, kryesisht emetimet e gazeve serrë, po shkaktojnë pa mëdyshje ngrohjen që po shohim në planetin tonë”, ka deklaruar në të njëjtën konferencë Kate Calvin, kryeshkencëtarja dhe këshilltare e lartë e NASA-s për klimën.
Shkencëtarët e NASA-s sqaruan se të dhënat e mbledhura dhe të analizuara nga instituti kishin dhë indikacione tashmë për këto temperatura të larta. “Ka pasur një rritje të temperaturave nga dekada në dekadë gjatë katër dekadave të fundit”, tha Schmidt.
Valët e të nxehtit që shihen aktualisht janë për shkak të një ngrohtësie të përgjithshme në të gjithë botën, veçanërisht në oqeane.
“Ne kemi parë temperatura rekord të sipërfaqes së detit, madje edhe jashtë vendeve tropikale, për shumë muaj tani dhe parashikojmë që kjo do të vazhdojë, dhe arsyeja pse mendojmë se do të vazhdojë, është sepse ne vazhdojmë të hedhim gazra serë në atmosferë,” tha Schmidt./Deutsche Welle / KultPlus.com
Përgatiti:
