Rreth dy mijë familje kosovare pritet që të përfitojnë nga projekti “Zbatimi i masave të efiçiencës së energjisë për shtëpitë individuale të banimit”.
Të hënën Fondi i Kosovës për Efiçiencë të Energjisë ka lansuar thirrjen publike për projektin në vlerë rreth 10 milionë euro. Të gjithë ata qytetarë që duan të investojnë në efiçiencë të energjisë duke bërë termoizolim të mureve të jashtme dhe kulmeve, ndërrim të dritareve dhe dyerve të jashtme të shtëpive të tyre, do të subvencionohen me rreth 45 për qind për investimet në fjalë. Masat vlejnë vetëm për shtëpitë private.
Sipas kryeministrit Albin Kurti kjo shumë shkon deri deri në 5,500 euro. E për familjet ku shtëpia është bashkëpronësi e të dy bashkëshortëve apo në pronësi të gruas, subvencionimi arrin 50%.
Mundesh me e lexu edhe…
Aplikimi për këtë masë do të bëhet online përmes e-Kosova.
“Gjatë vitit të kaluar kemi subvencionuar 10,000 familje me 5 milionë euro për të blerë pajisje efiçiente për ngrohje. Këtë vit kemi trefishuar buxhetin për pajisje dhe me 20 milionë do të investojmë në efiçiencë të shtëpive të banimit e ndërtesave shumë-banesore të destinuara për banim social. Aplikimi bëhet online përmes vjegëzës në vijim: ekosova.rks-gov.net/466 Detajet në lidhje me thirrjen mund t’i gjeni këtu: www.fkee-rks.net”, ka shkruar Kurti në një postim në “Facebook”.
Ky projekt është mbështetur nga Bashkimi Evropian, me këtë rast u përshëndet nisja e tij nga përfaqësuesi i Zyrës së BE-së në Kosovë./Katror.info
Përgatiti:
