Edhe këtë vit, kryeqyteti i Austrisë, Vjena, është në vendin e parë në listën EIU (Economist Intelligence Unit) të qyteteve më të mira në botë për të jetuar.
Në mesin e 173 qyteteve, Vjena karakterizohet si vendi më i mirë për të jetuar. Me përjashtim të sistemit të kujdesit shëndetësor dhe arsimit, me këtë rast është analizuar edhe infrastruktura, pasuar nga stabiliteti dhe mjedisi.
Në vendin e dytë të kësaj liste prestigjioze është kryeqyteti i Danimarkës, Kopenhaga. Edhe pse kohët e fundit ishte jashtë listës së 10 qyteteve më të mira për të jetuar, Sydney zuri vendin e katërt këtë vit, përpara një qyteti tjetër australian – Melburnit. Tre qytete në Kanada ishin në listën e këtij viti, përkatësisht Vancouver, Toronto dhe Calgary, i cili ndan vendin e shtatë me Gjenevën.
Mundesh me e lexu edhe…
“Heqja e kufizimeve në lidhje me Covid-19 ka treguar në përgjithësi kushte më të mira për jetën në botë gjatë këtij viti”, tha Upasana Dutt nga EIU, sipas CNN. Ajo shprehu gjithashtu pritjet që, meqenëse fuqia ekonomike dhe ajo politike po zhvendosen ngadalë drejt lindjes, qytetet në ato rajone do të shohin një përmirësim të lehtë në pozicionimin në këtë listë.
Është interesante të theksohet se, për shembull, Edinburgu zuri vendin e 35-të vitin e kaluar dhe këtë vit ra në pozitën e 58-të, ndërsa Londra dhe Stokholmi gjithashtu pësuan një rënie të ndjeshme këtë vit.
“Asnjë nga këto qytete nuk regjistroi një rënie veçanërisht të mprehtë në rezultatet e tyre të indeksit, por ato nuk arritën përparimin që shumë qytete, si ato aziatike, kanë arritur vitin e kaluar,” specifikohet në raport, përcjell Katror.info.
Madje 76.2 nga 100 është nota mesatare këtë vit, që është edhe një rekord në 15 vitet e fundit. Më së shumti u përmirësuan rezultatet në sistemin e kujdesit shëndetësor, si dhe u rritën parametrat që kanë të bëjnë me infrastrukturën, kulturën, arsimin dhe argëtimin.
Lista e 10 qyteteve më të mira për të jetuar në vitin 2023, me dy që ndajnë vendin e shtatë, duket kështu:
1. Vjenë, Austri 2. Kopenhagë, Danimarkë 3. Melburn, Australi 4. Sydney, Australi 5. Vankuver, Kanada 6. Cyrih, Zvicër 7. Calgary, Kanada 7. Gjenevë, Zvicër 9. Toronto, Kanada 10. Osaka, Japoni./Katror.info
Përgatiti:
