Një mur i lashtë polikromi është zbuluar në veri të Perusë dhe besohet të jetë më shumë se katër mijë vjet i vjetër dhe se ishte pjesë e një tempulli ceremonial, sipas arkeologëve.
Fermerët u ndeshën me murin për herë të parë në vitin 2020 gjatë korrjes.
Pas kësaj, u organizua një gërmim dhe u punua për të përcaktuar origjinën e murit, tha arkeologu Feren Castillo, kreu i projektit kërkimor në rajonin bregdetar të La Libertad.
Mundesh me e lexu edhe…
“Tre vjet më vonë filluam një procedurë të re, rezultatet e së cilës na treguan moshën e tij… Sot jemi të sigurt se është një ndërtesë e ndërtuar gjatë periudhës paraqeramike (periudha fillestare e qytetërimeve të Andeve), midis 4000 dhe 4500 vjet më parë, “tha Castillo.
Mbetjet e ndërtesës të lashtë u zbuluan në luginën Viru, rreth 480 km në veri të Limës. Muri vlerësohet të jetë rreth tre metra i lartë dhe ka linja gjeometrike trekëndore me nuanca të herëpashershme të kuqe dhe të verdhë, shtoi Castillo.
“Pjesa më e rëndësishme ishte sigurisht tempulli paraqeramik me një vatër në qendër, të cilin ndoshta do të mund ta gërmojmë më vonë”, theksoi ai. Në veri të Perusë ka komplekse të lashta ceremoniale si Caral, i cili është rreth 5000 vjet i vjetër. Ka edhe linjat misterioze gjigante Nazca të vizatuara në shkretëtirë më shumë se 1500 vjet më parë në rajonin e Ica.
Qendra më e rëndësishme arkeologjike në Peru janë rrënojat e Machu Picchu në rajonin Cusco, e cila është një mbetje e perandorisë Inka që dominoi pjesën jugore të kontinentit 500 vjet më parë dhe shtrihej nga Ekuadori jugor dhe Kolumbia në Kilin qendror. /Katror.info
Përgatiti:
