Turneu “Renaissance” i Beyonce filloi më 10 maj në Suedi dhe përfundoi më 1 tetor në Kansas City.
Para fillimit të turneut, Forbes vlerësoi se ikona e muzikës pop do të fitonte mbi dy miliardë euro.
Koncertet e këngëtares së “Cuff It” vendosën rekorde të shumta gjatë verës, përfshirë atë për fitimet më të larta në histori.
Në korrik, ajo fitoi 125 milionë euro dhe në gusht, ky numër u rrit në 170 milionë euro.
U raportua gjithashtu se “Renaissance” u bë turneu me fitimin më të madh nga një artiste femër, duke kaluar “Sticky & Sweet Tour” të Madonnas me 450 milionë euro.
Gjatë këtij turneu, mbretëresha e muzikës ndau po ashtu dy milionë euro për studentë dhe biznese të vogla përmes fondacionit të saj bamirës, ‘BeyGOOD’.
Gjysma e donacioneve shkuan për sipërmarrësit, me dreka të organizuara nga ‘BeyGOOD’ një ditë para çdo shfaqjeje për një shans për të fituar një grant prej 100 mijë eurosh.
Pjesa tjetër e dhurimit prej dy milionë eurosh u nda për ‘Renaissance Scholarship Fund’.
Për pesë muaj radhazi, në koncertet e Beyonce, pati momente të veçanta, performanca të mahnitshme e shumë surpriza./Katror.info
Përgatiti:
