Njerëzit mund të diagnostikohen me diabet duke përdorur pak më shumë se një regjistrim të shkurtër zëri nga telefoni i tyre, sipas një studimi të ri.
Duke përdorur një mostër audio prej vetëm gjashtë deri në 10 sekonda, së bashku me të dhënat bazë shëndetësore si mosha, gjinia, gjatësia dhe pesha, shkencëtarët krijuan një model të AI që mund të përcaktojë nëse dikush është diabetik me saktësi pothuajse 90%, shkruajnë mediat e huaja, përcjell Telegrafi.
Klick Labs rekrutoi 267 njerëz për studimin, duke përfshirë disa të diagnostikuar tashmë me diabet të tipit dy.
Mundesh me e lexu edhe…
Secilit iu kërkua të regjistronte një frazë në telefonin e tyre gjashtë herë në ditë për dy javë, dhe ekipi përdori AI për të analizuar më shumë se 18,000 mostra që kërkonin dallime akustike midis diabetikëve dhe jo-diabetikëve.
Modeli kishte një shkallë saktësie prej 89% për femrat dhe 86% për meshkujt. /Katror.info
Përgatiti:
