Sot fëmijët po rriten me teknologji, me anë te filmave të vizatuar, lojrave në telefon apo tablete dhe po mësojnë çfarëdo gjuhe që po u pëlqen.
Sa më shumë thekse të huaja të dëgjojë një fëmijë, aq më shpejt i mëson fjalët.
Sot gjithnjë e më shumë fëmijë po rriten në mjedise multietnike, veçanërisht në Evropë, që janë të përfshirë shumë në botën digjitale.
Mundesh me e lexu edhe…
“Deri më tani, kishte mungesë studimesh mbi ndikimin e thekseve rajonale dhe të huaja në mësimin e fjalëve të reja nga fëmijët,” thotë Dr. Adriana Hanulíková në departamentin e gjuhës gjermane në Universitetin e Freiburgut.
Për të plotësuar këtë, studiuesit kërkuan 88 fëmijë të Freiburgut të moshës 7 deri në 11 vjeç të luanin një lojë kompjuterike të bazuar në lojën popullore me letra “Spot It!”, e cila njihet si “Dobble” në Gjermani. Në lojë, dy objekte identike në letra të ndryshme loje duhet të zbulohen dhe emërtohen sa më shpejt që të jetë e mundur.
Për studimin, fëmijët luajtën lojën në kompjuter me bashkëmoshatarët virtualë. Ata flisnin gjermanisht ose gjermanishtën standarde me theks zviceran ose hebraik. Loja përfshinte gjashtë terma që zakonisht janë të panjohura për fëmijët e moshës së shkollës fillore.
Dizajni i bazuar në lojë i studimit është një mjet veçanërisht i përshtatshëm për këtë kërkim, tha Dr. Hanulíková.
“Fëmijët mësojnë nga fëmijët e tjerë gjatë lojës, jo nga të rriturit, këta të fundit janë fokusi i pothuajse të gjitha studimeve të deritanishme. Për më tepër, fëmijëve u kërkohet t’i thonë dhe t’i përdorin këto fjalë në ndërveprim, jo thjesht t’i njohin ato në mënyrë pasive. Në këtë mënyrë, dizajni eksperimental i ngjan mësimit natyror në jetën e përditshme.”
Vlerësimi i eksperimentit tregoi se fëmijët përfituan nga përvoja afatgjatë me thekse të ndryshme: fëmijët me këtë përvojë e kishin më të lehtë të mësonin fjalë të panjohura nga fëmijët e tjerë që flisnin thekse të panjohura në këtë lojë virtuale./katror.info
Përgatiti:
