Arbër Salihu i njohur me emrin artistik “La Fazani” me këngën “Oj Kosovë” është shpallur fitues i edicionit të parë të Festivalit të Këngës në RTK.
“Keni qenë publiku më i mirë në botë. Faleminderit orkestrës. Ju dua shumë të gjithëve”, ka thënë La Fazani pasi interpretoi në fund si triumfues i edicionit të parë.
Vendi i dytë i ka takuar Angus Dei me këngën “Një zemër për dy”.
Mundesh me e lexu edhe…
Çmimi i tretë i festivalit shkoi për Albin Nikprelaj.
Albin Nikprelaj me këngën “Ajo” ka marrë çmimin e tretë të Festivalit të Këngës në RTK në edicionin e tij të parë.
La Fazani mori edhe Çmimin e Kryeqytetit
Çmimi i Kryeqytetit në Festivalin e Këngës i ka takuar konkurrentit “La Fazani” me këngën “Oj Kosovë”. Çmimi artistit iu nda nga kryetari i Komunës së Prishtinës, Përparim Rama.
“Mrekulli me qenë këtu në Sallën e Pallatit të Rinisë, e cila ka pësuar nga një zjarr i madh, e nga ai ka dalë një feniks i madh që e keni bërë ju bashkë me stafin e Pallatit të Rinisë dhe Komunës së Prishtinës. Dhe në kë festival kemi artistë të mrekullueshëm si La Fazani”, ka thënë Rama teksa ka ndarë çmimin.
“Ky çmim jepet sepse Prishtina është bërë me festival dhe drejtori i ‘Eurosong’-ut tha se një qytet është më i bukur kur bëhet me festival”, ka thënë Adi Krasta.
Saranda Alija merr Çmimin e Orkestrës
Saranda Alija me këngën “Mendoj ku je” është fituese e çmimit të Orkestrës. Ky çmim asaj iu dorëzua nga këngëtarja e njohur Shpresa Gashi. /Katror.info
Përgatiti:
