Agjencia Kadastrale e Kosovës ka filluar me sukses zbatimin e projektit të rëndësishëm për rindërtimin e sistemit kadastral në 115 zona të Kosovës.
Sipas njoftimit, ky projekt, pas nënshkrimit të kontratave me Operatorët Ekonomikë, është një hap kyç drejt modernizimit të sistemit kadastral, që do të krijojë një bazë të të dhënave më të sakta dhe më të besueshme për qytetarët dhe institucionet.
“Rindërtimi i kadastrit në këto zona përfaqëson një hap të rëndësishëm drejt modernizimit të sistemit kadastral, duke krijuar një bazë të të dhënave që janë të sakta dhe të besueshme për të gjithë qytetarët dhe institucionet”, thuhet në njoftim.
Mundesh me e lexu edhe…
Rindërtimi i kadastrit përfshinë këto komuna: Deçan, Gjakovë, Istog, Klinë, Pejë, Rahovec, Dragash, Ferizajm Malishevë, Prizren, Shtërpce, Shtime, Suharekë, Fushë Kosovë, Drenas, Mitrovicë, Skenderaj, Vushtrri, Graçanicë, Lipjan, Novobërdë, Obiliq, Podujevë, Prishtinë, Gjilan, Hani i Elezit, Kaçanik, Kamencië, Kllokot, Parteshë, Ranillug dhe Viti.
“Rindërtimi i Kadastrit të Kosovës është proces i përditësimit dhe përmirësimit të të dhënave mbi pronësinë dhe njësitet kadastrale me qëllim të sigurimit të të dhënave të sakta dhe të besueshme për pronat në Kosovë”, thuhet në njoftim.
Agjencia Kadastrale e Kosovës ka bërë të ditur se ky projekt do të zgjerohet dhe do të përfshijë edhe zona të tjera në të ardhmen, duke ofruar një sistem më të avancuar dhe efikas të administratës kadastrale. /Katror.info
Përgatiti:
