Zëri fantastik i Edith Piaf do të mrekullojë sërish fansat në filmin që do të rrëfejë për jetën e saj, edhe pse ka vdekur 60 vite më parë.
Rikrijimi i zërit të saj nga inteligjenca artificiale do të jetë rrëfimtari i “Piaf”. Shkencëtarët e Warner Music Group kanë trajtuar inteligjencën artficiale duke përdorur qindra regjistrime të Piaf, disa edhe 80-vjeçare për të ‘ringjallur’ zërin dhe imazhin e artistes.
Përveç imazheve të arkivuara do të përdoret edhe animacioni për të rrëfyer se si Piaf u kthye në një ikonë, duke përfshirë edhe detaje të panjohura Julie Veille e cila ishte ideatorja e filmit, thotë se kjo do “të ndihmojë për të sjellë historinë në shekullin XXI”.
Mundesh me e lexu edhe…
Filmi do të ketë regjistrime origjinale të këngëve ikonike si “La Vie en Rose” dhe “Non, Je ne regrette rien”, ndërsa pjesa tjetër do të jetë tërësisht e prodhuar nga inteligjenca artificiale.
Ngjarjet do të vendosen në periudhën 1920-1960 dhe do të përshkruhet se si Piaf nga një njeri i thjeshtë u shndërrua në ikonën e Francës. E lindur në vitin 1915, nga një akrobate dhe një këngëtar, ajo mbeti me gjyshen që drejtonte një bordel kur prindërit e saj udhëtonin për të performuar.
Ajo e nisi karrierën muzikore në moshë të re kur i ati kuptoi që fitonte më shumë në rast se e merrte për të kënduar me të. Piaf u bë e famshme në vitet 1940 por Lufta e Dytë Botërore e la pezull karrierën e saj.
Gjatë luftës, ajo u akuzua se bashkëpunonte me nazistët gjermanë pasi këndonte në kampet e përqendrimit për të burgosurit francezë. Piaft pësoi tre aksidente me makinë, ishte e varur nga morfina dhe ndërroi jetë në vitin 1963 kur ishte vetëm 47 vjeçe./Katror.info
Përgatiti:
