Në Librarinë Dukagjini, është mbajtur promovimi i librit “Apostulli”, vëllimi i parë i një biografie të re për Fan Nolin, shkruar nga autori Ilir Ikonomi.
I pranishëm në promovim ishte edhe autori Ilir Ikonomi. Në një prononcim për Telegrafin, autori thotë se libri është i ri në disa pikëpamje.
“Çdo libër që del është i ri, por ky libër është i ri në disa pikëpamje sepse shqyrton periudhën e parë të Nolit kur shkoi në Amerikë në vitin 1906 dhe mbaron në vitin 1920. Ka shumë detaje, ka fakte të reja dhe është një këndvështrim i ri”.
Mundesh me e lexu edhe…
Ikonomi thotë se ka punuar për këtë libër prej gati shtatë vjetëve.
Ai thotë se në momente të caktuara kishte dashur të heq dorë për shkak të kompleksitetit të figurës.
“Gjatë punës ka patur edhe zhgënjime. Ka patur momente kur unë kam thënë se nuk e bëj dot sepse është shumë i vështirë. Fanoli është një figurë poliedrike. Ai ka lëvruar në shumë fusha, është marrë me Kishën Ortodokse, është marrë me letërsi, përkthime, është marrë me muzikë. Ai madje është marrë edhe me politikë dhe u bë kryeministër në Shqipëri. Më vonë edhe u përmbys dhe më pas u kthye në Amerikë”, ka deklaruar tutje Ikonomi.
Në këtë vëllim prej 430 faqesh, i cili u promovua sot në mjediset e Librarisë Dukagjini, Ikonomi na jep një përshkrim realist dhe me ngjyra të gjalla të Fan Stilian Nolit, në periudhën që fillon me arritjen e tij në Amerikë në vitin 1906 dhe mbaron në vitin 1920, kur ai u largua për në Shqipëri./Katror.info
Përgatiti:
