Pas sukseseve të jashtëzakonshme të filmit “Hive”, i cili bëri histori duke fituar tri çmimet kryesore në Festivalin e Filmit Sundance dhe duke u bërë pjesë e listës së ngushtë për nominim për Çmimet Oscar, regjisores Blerta Basholli i është hapur një kapitull i ri kinematografik. Ajo tashmë ka nisur realizimin e filmit të saj të dytë të metrazhit të gjatë, “DUA”, një projekt që ka filluar të shënojë sukseset e para.
”Pas sukseseve të jashtëzakonshme me filmin “Hive”, i cili është i vetmi film në histori që ka fituar tri çmimet kryesore në Festivalin e Filmit Sundance dhe ishte pjesë e listës së ngushtë për nominim për Çmimet Oscar, Blerta Basholli fillon rrugëtimin me filmin e saj të dytë të gjatë, “DUA”, thuhet në njoftimin e Qendrës Kinematografike të Kosovës.
Filmi “DUA” është një dramë “coming of age” që zhvillohet në Kosovën e viteve 1990 dhe është frymëzuar nga përvojat personale të Bashollit. Ai ndjek historinë e një adoleshenteje introverte dhe përballjen e saj me kërkimin për identitet gjatë një periudhe të ndërlikuar politike, ku populli kosovar ishte nën shtypjen e regjimit serb dhe shkollimi zhvillohej në kushte të fshehta.
Mundesh me e lexu edhe…
Me një skenar dhe regji nga Blerta Basholli, “DUA” është mbështetur nga disa institucione prestigjioze filmike, përfshirë ARTE France Cinéma, CNC – Cinéma du Monde, RTS – Radio Télévision Suisse, OFC – Fondi Zviceran për Kinematografinë dhe Cineforum – Fondation Romande pour le Cinéma (Zvicër). Këto mbështetje janë një tregues i besimit të madh që ky projekt ka marrë në skenën ndërkombëtare”. /Katror.info
Përgatiti:
