Shkencëtarët amerikanë nga Universiteti Rice, Universiteti A&M i Teksasit dhe Universiteti i Teksasit kanë identifikuar një metodë të re për të luftuar qelizat e kancerit. Duke përdorur dritën të afërt infra të kuqe për të stimuluar molekulat e aminocianinës, shkencëtarët shkaktuan dridhje të sinkronizuara, duke thyer në mënyrë efektive membranat qelizore të kancerit.
Molekulat e aminocianinës, të përdorura zakonisht në bioimazhe, janë dëshmuar si të jashtëzakonshme për stabilitetin e tyre në ujë dhe aftësinë për t’u ngjitur në pjesën e jashtme të qelizave, veçanërisht të dobishme në zbulimin e kancerit në doza të ulëta.
Ata janë më shumë se një milion herë më të shpejtë në lëvizjen e tyre mekanike sesa motorët e vjetër Fering (një motor molekular rrotullues i drejtuar kimikisht) dhe mund të aktivizohen nga drita infra e kuqe dhe jo nga drita e dukshme, shpjegon kimisti James Tour, duke e përshkruar inovacionin si një epokë të re të shtresave molekulare.
Mundesh me e lexu edhe…
Përdorimi i dritës së afërt infra të kuqe është i rëndësishëm sepse mundëson depërtimin thellë në trup, duke lehtësuar potencialisht trajtimin jokirurgjikal të kancerit brenda kockave dhe organeve.
Në eksperimentet mbi qelizat e kultivuara të kancerit, teknika molekulare tregoi një shkallë të jashtëzakonshme suksesi prej 99 për qind në shkatërrimin e qelizave kancerogjene. Eksperimentet në minj me tumore melanoma rezultuan që gjysma e subjekteve të shëroheshin nga kanceri i tyre. Hulumtimi në lidhje me të u botua në revistën Nature Chemistry.
Kjo është hera e parë që një plazmon molekular është përdorur në këtë mënyrë, për të ngacmuar një molekulë të tërë dhe për të prodhuar një veprim mekanik që përdoret për të arritur një qëllim specifik – në këtë rast, grisjen e membranës së qelizave kancerogjene, thotë kimisti Cicero Ayala-Orozco. /Katror.info
Përgatiti:
