Agjencia e Ushqimit dhe Veterinarisë në Kosovë (AUV), ka reaguar pas dyshimeve të ngritura ditë më parë në mediat në Shqipëri, për një bakterie që pretendohet se është gjetur në mishin e pulës të importuar nga Brazili.
Lidhur me këtë, AUV njofton se ka lëshuar urdhëresë për kontrollin kufitar që të gjitha ngarkesat e mishit të pulës (fileto-breast) me origjinë nga Brazili të dërgohen për testim mikrobiologjik.
“Ngarkesat e mostruara sipas procedurës qëndrojnë të bllokuar deri në nxjerrje të rezultateve të analizave. Po ashtu në kontrollin e brendshëm bazuar në vlerësim të analizës se rrezikut, janë inspektuar disa pika shitëse, ku përveç kontrollit është bërë edhe marrja e mostrave”- thuhet në komunikatën e AUV-it, shkruan Kallxo.com.
Mundesh me e lexu edhe…
Tutje, AUV bën të ditur se është kontaktuar nga Autoriteti Kombëtar i Ushqimit në Shqipëri, dhe janë njoftuar se nuk ka pasur ri-eksporte të produkteve të dyshuara nga Shqipëria për në Kosovë.
Ndërsa të njëjti njoftojnë se lidhur më këto dyshime deri me tani nuk kanë pranuar ndonjë rast të ndonjë qytetari që kanë pasur indikacione shëndetësore të lidhura me konsum të mishit të pulës.
Si reagim ndaj kësaj, AUV ka ndërmarrë hapa duke shtuar masat e kontrollit në dy nivele.
“Po merren mostrat për testim. Në momentin qe lëshohen rezultatet nga laboratori, ato do të komunikohen për publikun”- njofton Lamir Thaçi nga AUV.
Edhe pse deri më tani, sipas AUV-it, nuk ka ndonjë argument që bakteria “Salmonella Typhimurium në fileto pule të importuar origjina Brazil” është gjendur, kjo agjenci njofton se i ka ndërmarr të gjitha masat për t’i hequr dyshimet. /Katror.info
Përgatiti:
