Covid-19 ka përshpejtuar në mënyrë të papritur kërkimin në teknologjinë mRNA, e cila para pandemisë po studiohej edhe në fushën e trajtimeve antitumorale.
Duke pasur parasysh suksesin e vaksinave kundër Covid, tani po flasim për aplikimet e mundshme të saj në trajtimin e melanomave, tumoreve të zorrëve dhe llojeve të tjera.
Në një intervistë çifti themelues i BioNTech, kompania që së bashku me Pfizer krijuan një nga vaksinat më të administruara kundër Covid-19 në botë diskutuan të ardhmen e teknologjisë mRNA dhe përdorimin e saj në një vaksinë kundër kancerit. ”Si shkencëtarë hezitojmë të themi se kemi një kurë për kancerin. Mund të kemi një vaksinë para vitit 2030”,-deklaroi Özlem Türeci dhe bashkëshorti i saj Ugur Sahin.
Mundesh me e lexu edhe...
Teknologjia e ARN-së së dërguar funksionon duke dërguar instruksione te qelizat për të prodhuar një antigjen. Sistemi imunitar është trajnuar për të njohur dhe synuar qelizat e sëmura për t’i shkatërruar ato. “Provat klinike po përparojnë por është thelbësore të jemi të kujdesshëm dhe të mos pretendojmë fitoren shumë shpejt. Ne kemi bërë një përparim dhe do të vazhdojmë të punojmë për këtë”,-komenton Türeci.
Ndër vështirësitë e shumta, është fakti që qelizat kancerogjene që formojnë tumore mund të mbulohen nga lloje të ndryshme antigjenesh dhe kjo e bën shumë të ndërlikuar krijimin e një vaksine që mund të eliminojë të gjitha qelizat tumorale pa prekur ato të shëndetshme, përcjell Top Channel.
Së fundmi studimi i publikuar në revistën “Good” ka zbuluar që ilaçet të cilat merren për trajtimin e djegësirës në stomak dhe shërimin e refluksit të thartirës mund të shtojnë rrezikun nga disa lloje kanceri. Inhibitorët e pompës protonike (PPI) të cilët përdoren për eliminimin e thartirës në lukth bëjnë pjesë ndër ilaçet më të shitur në botë, mirëpo përdorimi afatgjatë i tyre mund të shtojë rrezikun nga kanceri në lukth. Ai rrezik është i lidhur me bakterin e quajtur Helicobacterpylori, të cilin e kanë më shumë se gjysma e popullatës botërore. /Katror.info
Përgatiti:
