Ditët e ftohta po afrohen, e ka mbetur edhe pak kohë për të aplikuar për thirrjen publike të Ministrisë së Ekonomisë për subvencionimin e blerjes së pajisjeve efiçiente për ngrohje.
Ne do të tregojmë hap pas hapi se kush dhe si mund të aplikojë dhe cka subvencionohet. Pra, deri më 11 tetor konsumatorët familjarë mund të aplikojnë për blerjen e Pompave termike; Kondicionerëve; klimave efiçiente (pompë termike ajër-ajër të tipit inverter me efiçiencë të lartë); Kaldaja me biomasë (dru, pelet, briket) dhe Stufa individuale me biomasë.
Por, mbani mend se ju mund të aplikoni vetëm për njërën nga pajisjet e cekura, dhe nëse keni qenë përfitues herët e kaluara nuk keni të drejtë aplikimi.
Mundesh me e lexu edhe…
Për secilën pajisje ka kritere për aplikim. Disa nga kriteret janë se thirrja nuk vlen për konsumatorët e rinj të regjistruar nga data 1 shkurt 2024, nuk vlen për ata që janë të lidhur me ngrohjen qendrore apo që nuk e kanë shtëpinë apo banesën te termoizluar si dhe konsumi mujor i energjisë elektrike duhet te ketë qenë mbi 800 kËh për së paku njërin nga muajt nëntor 2023 – mars 2024.
Për Pompat termike vlera e subvencionimit për një pajisje është 30% e vlerës investive dhe deri në 2 mijë euro.
Për Kondicioner vlera e subvencionimit është 40% e vlerës investive dhe deri në 400.00 €
Kjo dallon për prindërit vetushqyes dhe qytetarët që mbështeten nga ndihmat sociale, meqë ata subvencionohet deri në 60 për qind, apo deri 550 euro.
Nëse i keni plotësuar kriteret për kaldajë me biomasë (dru, pelet, briket), ju do të subvencionoheni 70 % e vlerës investive, dhe deri në 1200.00 €. Ngjashëm edhe për Stufa individuale me biomasë duhet t jeni konsumator aktiv i energjisë elektrike, që verifikohet automatikisht në e-Kosova dhe vlera e subvencionimit për një (1) pajisje është 70 e vlerës investive, dhe deri në 435.00 € Prindërit vetushqyes dhe qytetarët që janë në mbështetje të skemës së ndihmës sociale subvencionohen me 90 90% të vlerës investive, dhe deri në 560.00 €.
Aplikimi për subvencionim bëhet online përmes platformës e-Kosova.
Sigurohuni që të plotësoni kriterin për aplikim në lidhje me konsumin e energjisë elektrike duke u kyçur në e-kosova: https://ekosova.rks-gov.net/472.
Nëse i plotësoni kriteret për aplikim pas njoftimit se jeni kualifikuar, mund të vazhdoni me blerjen dhe instalimin e pajisje. Dokumentet që duhet t’i ngarkoni në e-kosova pas blerjes janë:
a. Kuponin fiskal i lëshuar mes datës 12 shtator – 11 tetor 2024
Fotografi të pajisjes së blerë; Fotografi që dëshmojnë se shtëpia/banesa juaj është e termoizoluar; Fotografi të etiketës së konformitetit CE së pajisjes; Fotografi të etiketës së performancës energjetike dhe të koeficientit të performancës së pajisjes; Fotografi të certifikatës që dëshmon shkallën e shfrytëzimit për kaldajën me biomasë.
Marrëveshja juaj e subvencionimit do të gjenerohet automatikisht nga platforma e-Kosova me rastin e aplikimit, kur edhe do t’ju kërkohet që të vendosni numrin e xhirollogarisë tuaj bankare në emër të aplikuesit, dhe në ndonjërën prej bankave të licencuara në Kosovë.
Aplikantët të cilët vlerësojnë se aplikimi i tyre nuk është vlerësuar drejtë nga Komisioni përkatës i Ministrisë së Ekonomisë (ME), mund të ushtrojnë të drejtën e ankesës në afat prej tridhjetë (30) ditësh./Katror.info
Përgatiti:
