Retinoli është konsideruar prej kohësh një përbërës i shkëlqyer në kujdesin e lëkurës kundër plakjes, por është shoqëruar gjithashtu me disa keqkuptime. Një prej tyre është se derivati i vitaminës A “e hollo lëkurën”.
Dr. Rosalind Simpson, dermatologe mjekësore nga Qendra e Dermatologjisë Bazuar në Dëshmi në Universitetin e Nottingham, thotë se kjo nuk është plotësisht e vërtetë, shkruan The Guardian transmeton Katror.info.
Ajo thotë se retinoli, i cili është në dispozicion pa recetë, dhe përbërësi i tij i fortë me recetë, retinoidi, “janë disa nga përbërësit e pakët që janë provuar vazhdimisht se përmirësojnë shenjat e plakjes”.
Mundesh me e lexu edhe…
Ajo shpjegon se ata veprojnë duke nxitur prodhimin e kolagjenit në dermë, shtresën e dytë të lëkurës. Kolagjeni është një proteinë që ndihmon në mbajtjen e lëkurës të plumpuar dhe rinore.
“Me kalimin e kohës dhe do të duhen muaj, jo javë – retinoli në fakt e trash lëkurën e dermës,” thotë ajo.
Megjithatë, retinoli mund të thuhet se “hollon” një shtresë të lëkurës: shtresën e jashtme të qelizave të vdekura të lëkurës, të njohur si stratum corneum.
“Retinoli ka një efekt eksfoliues në këtë shtresë të jashtme, e cila mund të perceptohet si ‘hollim’, por kjo shtresë natyralisht rinovohet gjithsesi,” shpjegon Simpson.
Ajo shton se janë efektet anësore fillestare, të cilat shkaktohen nga rritja e heqjes së stratum corneum, që krijojnë konfuzion rreth mënyrës se si funksionon përbërësi.
Kur filloni me retinol, shumë njerëz përjetojnë skuqje, lëkurë të irrituar dhe ndjesi ngushtësie të lëkurës, pasi është një irritues i njohur. Kjo mund të shkaktojë gjithashtu një rritje të ndjeshmërisë ndaj diellit për shkak të inflamacioneve të lehta të lëkurës.
“Këto efekte anësore mund të japin përshtypjen se lëkura po bëhet më e hollë, por në të vërtetë, retinoli bën të kundërtën, në afat të gjatë”,” thotë Dr. Simpson. /Katror.info
Përgatiti:
