Filmi “Një Udhëtim i Shkurtër” apo “A Short Trip”, i regjisorit Erenik Beqiri është shpallur filmi më i mirë i metrazhit të shkurtër në edicionin e 80-të të Festivalit të Filmit në Venecia në seksionin Orizzonti.
Në qendër të këtij filmi, është një çift në proces gjyqësor gjatë eksodit të Shqipërisë. Rrëfimi shfaq një brez, të gatshëm të shkëmbejë vitet e tyre të bukura për një të ardhme të paparashikueshme.
Në këtë film një prej roleve kryesore është aktorja dhe regjisorja kosovare, Luana Bajrami e cila poashtu ishte pjesë e Festivalit të Filmit në Venecia me filmin e saj “Bota jonë”. Luana pati një paraqitje të dyfishtë në këtë festival, si aktore dhe regjisore.
Mundesh me e lexu edhe…
Në qendër të filmit “Një Udhëtim i Shkurtër” është Klodi dhe Mira. Një çift i ri shqiptar, vendosin të martojnë Mirën me një francez për pesë vjet në këmbim të parave, për të marrë nënshtetësinë franceze. Më pas ata duhet të zgjedhin burrin e duhur për të dhe të mësojnë të heqin dorë nga njëri-tjetri.
Në këtë film luajnë aktorët: Luana Bajrami, Tristan Halilaj, Arben Bajraktaraj dhe Walid Afkir./Katror.info
Përgatiti:
