KEK njofton se vetëm edhe 3 ditë pune kanë mbetur deri në përfundimin e afatit për lidhjen e kontratave me Furnizuesin e Mundësisë së Fundit (FMF), që është KEK sipas vendimit të ZRRE-së.
Të gjithë konsumatorët që nga 1 Qershori 2025 kanë kaluar automatikisht në FMF, duhet pa tjetër të formalizojnë marrëdhënien me kontratë deri më 09.06.2025.
Pas kësaj date, KEK sh.a. nuk mban përgjegjësi për ndërprerje eventuale të furnizimit. Konsumatorët inkurajohen gjithashtu që të kalojnë sa më parë në kontrata komerciale me furnizues të licencuar./Katror.info
