Një nga supermodelet më të kërkuara të të gjitha kohërave, krahas Cindy Crawford dhe Naomi Campbell, është Claudia Schiffer.
Kjo bjonde e gjatë 180 centimetra shkëlqente dhe ndezi pasarelat, madje edhe sot është sinonim i një modeli të përsosur, të bukur, të suksesshëm dhe të ekuilibruar. Gjermanja e famshme do të festojë ditëlindjen e saj të 53-të më 25 gusht, por duket sikur nuk është plakur asnjë ditë në krahasim me ditët kur ishte në kulmin e karrierës së saj, shkruan Katror.info.
Sot, më shumë se 30 vjet pas fillimit të karrierës së saj, Claudia Schiffer ende qëndron fort me të dyja këmbët në tokë.
Mundesh me e lexu edhe…
“Ishte një kohë e çmendur. Unë jetoja si një yll rocku. Kisha truproja në çdo sfilatë… Jo vetëm unë, por rrobat e mia, madje edhe të brendshmet – po, edhe sutjenat dhe brekët. Sepse sa herë dilja jashtë, në pistë dhe kthehesha, gjërat e mia zhdukeshin, gjithçka do të zhdukej, prandaj rrobat e mia duhej të kishin truproje personale gjithashtu”, kujton ajo për “Elle” se si dukej kur ishte në kulmin e famës.
Klaudia ka qenë gjithmonë ndryshe nga supermodelet e tjera – më serioze, më e kompozuar, më pak e etur për argëtim dhe sot këtë e pranon edhe vetë.
“Krahasuar me vajzat e tjera kam qenë gjithmonë e çuditshme sepse nuk flisja shumë me askënd. Të gjithë do të emocionoheshin dhe bisedonin shumë. Ata ndoshta mendonin se isha arrogante dhe ndonjëherë mendonin se isha e ftohtë, sepse besonin se nuk isha e interesuar apo që nuk dua të komunikoj”, tha bukuroshja gjermane, duke shtuar se në fakt ajo ishte thjesht e tensionuar.
“Para se të dilja në pistë, nervat e mia ishin në telashe. Unë kënaqesha dhe festoja kur kryhej sfilata, por jo më parë. Dhe kur isha në atë turmë, më duhej ta detyroja veten të shkoja nga njëri te tjetri. Më duhej të mësoja shpejt. Papritmas e gjeta veten në atë botë… Thjesht mendova, ‘Mbylli sytë dhe hidhu brenda'”, tha Schiffer për shoqërimet dhe festimet e klasit të lartë.
Schiffer thotë se plakja nuk e tremb atë dhe se ajo e di se ka ardhur koha t’ia dorëzojë stafetën gjeneratave të reja.
“Kam marrë shumë komplimente të mrekullueshme në kohën time. Por më pas kaloni në fazën tjetër dhe vazhdoni. Nuk duhet të quhem e bukur gjatë gjithë jetës sime. Këto janë kujtime të mira, por duhet të dini kur është koha për t’ia kaluar stafetën brezit të ardhshëm. Për mua, kjo është e natyrshme, nuk ka kuptim të jesh ziliqare apo xheloze. Në fakt, nuk mund të mendoj asgjë më të keqe sesa dikush të më thotë: “Ka një pilulë magjike që do të të bëjë të dukesh sikur je sërish 20”, përfundoi Claudia. /Katror.info
Përgatiti:
