Festivali tradicional i Albaniadës, do të mbahet në Amfiteatrin e Pishinës së Gërmisë, më 16 tetor nga ora 10:00. Edicioni i katërt i lojërave tradicionale “Albaniada” do të shpalosë pjesë të etnosit dhe folklorit përmes lojërave, muzikës, humorit e valles.
Amfiteatri i Pishinës së Gërmisë do të jetë arenë e performancës artistike skenike e ansambleve nga trevat shqiptare, në kuadër të organizimit të festivalit “Albaniada 2022”.
Në pjesën e programit skenik, ansamblet dhe shoqëritë kulturore artistike do të prezentohen me vepra koreografike kurse në pjesën e garave nga lojërat dhe sportet tradicionale në disiplina të ndryshme.
Mundesh me e lexu edhe…
Ky festival ka për qëllim promovimin dhe kultivimin e trashëgimisë sonë kulturore. “Albaniada” për të katërtin edicion rikthen sportet dhe lojërat e vjetra tradicionale. Lojra që paraqesin një thesar të trashëgimisë kulturore shqiptare të krijuar ndër shekuj.
Tanimë “Albaniada” ka filluar dokumentimin e sporteve dhe lojërave tradicionale, dukë bërë kështu të njohura për brezat e rinj por edhe për prezentimin e tyre para turistëve dhe vizitorëve të huaj.
Festivali organizohet nga PR Solutions dhe mbështetur nga Drejtoria e Kulturës e Komunës së Prishtinës
Ditën e dielë, e ndani datën dhe orën bashkë me familjet tuaja, për t’u argëtuar në Festivalin Albaniada!
Përgatiti:
