Sikurse Banana Popsicles që fëmijëve ju pëlqejnë shumë, nj’ashtu jemi t’bindun që bananet me gjalpë kikiriku kanë me qenë mes-shujta jote e preferume po që se i provove.
Thjeshtësia e kësaj recete fort t’shijshme e plot vlera ushqyese t’shtin me harru që po han shëndetshëm e t’kënaqë sikurse me hangër ndonji ambëlsinë. Copëzat e bananeve me gjalpë kikiriku janë t’përshtatshme me i përgatitë e hangër menjiherë, ose me i shti n’friz për pak minuta e me i hangër pak ma t’ftohta.
PËRBËRËSIT:
2 banane (t’prera n’rriska mesatarisht t’trasha)
100 gr çokollatë t’zezë (me % t’naltë t’kakaos)
1 lugë gjelle vaj kokosi/ gjalpë t’zakonshme
100 gr gjalpë kikiriku
HAPI 1:
Merr 1 rriskë banane e lyje me pak gjalpë kikiriku, shto copën tjetër t’bananes sipër e vendosi bananet n’nji tepsi me letër për gatim.
Mundesh me e lexu edhe…
HAPI 2:
Shkrije çokollatën bashk me vajin e kokosit ose gjalpin. Me piru merr copëzat e bananes me gjalpë kikiriku, mbuloji gjysmën (ose krejt) copëzat e bananeve e ktheji prap n’letrën për pjekje. Leji me u forcu çokollata n’temperaturë dhome ose n’frigorifer. Shijo!
- Advertisement -
Thjeshtë, mirë e lehtë – po e provove, bindesh vet. Poashtu, nëse veç t’pëlqen kjo recetë e je merak n’gjalpë kikiriku, ne t’i rekomandojmë edhe hurmat me gjalpë kikiriku t’cilat mundesh me i përgatitë sa hap e mbyll sytë (n’2 hapa). /Katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/
