Taylor Swift publikoi albumin “Midnights” dhe pas disa orësh, surprizoi fansat me një version më të gjatë, duke iu referuar si “3 am edition”, ku solli edhe 7 këngë të tjera.
“Befasi! Mendoj për “Mesnatat” si një album të kompletuar konceptual, me këto 13 këngë që formojnë një pasqyrë të plotë të asaj ore mistike të çmendur. Si do që të jetë! Ka edhe këngë të tjera që i kemi shkruar për ta gjetur 13-shin magjik. Unë po e quaj 3-shi i mëngjesit. Së fundi po më pëlqen ndjenja e ndarjes se procesit kreativ me juve, siç bëmë me “From the Vault.” Pra, është ora 3 e mëngjesit dhe ja ku po e ndaj me ju,” ka shkruar këngëtarja në Instagram.
Sipas saj, projektet tregojnë historitë e 13 orëve pa gjumë, ku këngëtarja ka krijuar një album, i cili sipas fansave, konsiderohet “kryevepër”.
Mundesh me e lexu edhe…
Ajo ndau me fansat disa këngë speciale, të cilat tregojnë përvojat e saj, luftën me veten, si dhe dashurinë me partnerin, mënyrën si u njoh dhe se si të dy u dashuruan me njëri-tjetrin. Partneri i Swift, Joe Alwyn është edhe tekstshkrues në këtë album.
Suksesin e radhës, e dëshmoi edhe furia e paparashikueshme e reagimit të fansave, si dhe e dëgjimit të këngëve, në të gjitha platformat.
Twitter-i u çmend dhe njerëzit menjëherë nisën të postonin përvojën e tyre “që u ndryshoi jetën”.
“A mund ta them që “Midnights” ndryshoi trajektoren e jetës sime?”, shkroi dikush. “E vetmja e keqe në albumin “Midnights” nga Taylor Swift është se mbaron”.
Përgatiti:
