Apple po zhvillon një pajisje shtëpiake inteligjente që do t’ju mundësojë të zhbllokoni derën e shtëpisë në të njëjtën mënyrë si zhbllokoni ekranin e iPhone tuaj.
Sipas analistit Mark Gurman, kompania është duke punuar në një kamerë të re të ziles së derës që përdor teknologjinë Face ID për të hapur dyert, kjo kamerë pritet të dalë në fund të vitit 2025.
Pajisja e ziles së derës do të funksionojë në mënyrë të ngjashme me iPhone-in, dera do të hapet automatikisht kur përdoruesi ose ndonjë tjetër banor të shikojë kamerën.
Mundesh me e lexu edhe…
Siç ndodh me pajisjet Apple, kamera do të jetë e pajisur me çipin Secure Enclave, i cili ruan dhe përpunon informacionin e Face ID në mënyrë të sigurt, veçmas nga pjesa tjetër e sistemit.
Gurman pohon se kjo pajisje do të jetë kompatibile me bravat inteligjente ekzistuese të HomeKit të prodhuar nga palë të treta, dhe Apple mund të bashkëpunojë me kompani të tjera të teknologjisë për të ofruar një sistem të plotë të kyçjes inteligjente në të ardhmen.
Kjo pajisje është pjesë e investimeve të shumta që Apple po bën në zhvillimin e pajisjeve inteligjente shtëpiake, të cilat përfshijnë gjithashtu një TV inteligjent dhe ekrane të reja për shtëpinë, përfshirë një iPad të lidhur magnetikisht me murin ose me një bazë altoparlanti, si dhe një ekran tjetër të integruar me një krah robotik. /Katror.info
Përgatiti:
