Apple ka një ide ndryshe kur bëhet fjalë për telefonat e palosshëm, konkretisht iPhone e ardhshëm me ekran fleksibël. Informacionet sugjerojnë madhësinë e mundshme të ekranit të iPhone të palosshëm. Sipas thashethemeve, iPhone Fold pritet të ketë ekran të brendshëm me madhësi 7.7 inç, dhe ekran të jashtëm 5.5 inç. Pritet që këto dimensione të jenë edhe pjesë e fushatës kryesore marketingu të pajisjes së re dhe Apple pritet të promovojë iPhone Fold si një telefon shumë kompakt i palosshëm, që mund të përdoret edhe me një dorë, percjell TAR.
Është konfirmuar edhe se iPhone i palosshëm pritet të dalë në treg gjatë vitit 2026, ndërsa aktualisht ekziston një prototip funksional në fazë testimi. Më parë u mësua se Samsung Display do të jetë përgjegjës për krijimin e ekranit të këtij telefoni dhe theksohet se është gjetur zgjidhja për problemin e madh që kanë këto pajisje, atë të krijimit të rrudhave në pjesën ku ekrani paloset. Detaje të tjera priten deri në fund të këtij viti.
Ndërkaq, versioni më i fundit i softuerit iOS 26 po testohet nga inxhinierët e Apple dhe së shpejti do të jetë i disponueshëm për përdoruesit. Kompania Apple ka publikuar versionin e katërt për zhvilluesit të sistemit të saj të ri operativ iOS 26, i cili sjell ndryshime në dizajn si dhe njoftime të përmbledhura për lajme, të ndihmuara nga inteligjenca artificiale. Sipas portalit Tech Crunch, versioni i ri do të jetë së shpejti i disponueshëm për testim publik beta, i cili është paralajmëruar për ditët në vijim.
Mundesh me e lexu edhe…
Apple regjistroi rritje në shitjet e iPhone në Kinë në tremujorin e dytë të vitit 2025 për herë të parë në dy vjet. Shitjet e iPhone në Kinë u rritën me 8% në krahasim me të njëjtën periudhë të vitit të kaluar në tremujorin e dytë të vitit 2025, sipas një raporti paraprak nga Counterpoint Research. Nxitja kryesore për shitjet e Apple ishin uljet e çmimeve dhe programet qeveritare të subvencioneve në maj. Por, pavarësisht suksesit të linjës iPhone 16, Huawei është lider në tregun kinez. /Katror.info
Përgatiti:
