Aktorja fituese e çmimit Oscar, e cila njihet për filma si “West Side Story”, “The Prom” dhe “Wish”, luan Dr. Kira Foster, një shkencëtare në Stacionin Ndërkombëtar të Hapësirës, në thrillerin e drejtuar nga Gabriela Cowperthwaite. “I.S.S.”.
Gjërat marrin një kthesë në bordin e stacionit hapësinor kur shpërthen konflikti në Tokë dhe Foster dhe kolegët e saj astronautët dhe kozmonautët amerikanë dhe rusë lihen të kuptojnë se kush është i besueshëm dhe kush jo, përcjell ABC News.
“Ky ishte një mjet i përsosur për të provuar diçka të re, për të luajtur një personazh që është shumë i ndryshëm nga unë,” tha DeBose, duke folur me “Good Morning America” për filmin.
Mundesh me e lexu edhe…
Filmi zhvillohet tërësisht në bordin e I.S.S., që është stacioni më i madh hapësinor. Për të sjellë në jetë stacionin, Cowperthwaite tha se ajo frymëzohej nga I.S.S. i vërtetë.
Regjisorja po ashtu tha se ajo ishte gjithashtu e frymëzuar nga filmat fantastiko-shkencor dhe thriller që ajo kujtonte se i kishte parë kur rritej.
“Më kujtohet njëfarësoj thirrja në “The Thing”, “The Omen” të John Carpenter – skena të ndryshme nga gjërat rrëqethëse që i kujtoja nga e kaluara, nga fëmijëria ime” tha Gabriela Cowperthwaite.
Si “I.S.S.” e bëri DeBose një “aktor më të mirë”
Për DeBose, marrja e rolit të Foster ishte një “sfidë” që ajo tha se donte të merrte përsipër.
“Më pëlqen të jem e gjithanshme. Është gjëja ime e preferuar. Gjithçka rreth Dr. Kira Foster më dukej tepër sfiduese sepse ajo nuk e shpreh veten ashtu siç e shpreh unë”, u shpreh aktorja në rolin kryesor në këtë film./Katror.info
Përgatiti:
