Pak para stinës së hibernacionit, arinjtë e murrmë hanë shumë, duke konsumuar deri në 20.000 kalori në ditë, të mjaftueshme për ti shtuar rreth katër kile. Dhe pastaj ata mezi lëvizin, për muaj.
Po të bënim të njëjtën gjë edhe ne njerëzit, do të fitonim sasi të rrezikshme peshe dhe atëherë mund të sëmureshim me diabet.
Por arinjtë ngjyrë kafe janë mjaft të zgjuar për ta shmangur këtë dhe shkencëtarët kanë zbuluar se si.
Mundesh me e lexu edhe…
“Menduam, wow, nëse do të arrinim të kuptonim se si arinjtë janë në gjendje ta bëjnë këtë natyrshëm çdo vit pa pasoja negative, atëherë ndoshta kjo do të na japë disa informacion se si të zhvillojmë potencialisht terapi të reja për njerëzit: le të përdorim biologjinë e pabesueshme natyrore dhe të mësojmë rreth kësaj tek arinjtë. Dhe kjo është pikërisht ajo që kemi bërë,” tha për Good News profesoresha Xhoana L Kelli, një nga kërkuesit nga Universiteti Shtetëror i Uashingtonit.
Studimi ka identifikuar tetë proteina kyçe – të gjetura gjithashtu tek njerëzit – që ndihmojnë arinjtë të kontrollojnë nivelet e tyre të insulinës.
“Ato janë proteina të njohura, ato ndahen midis arinjve dhe njerëzve. Mendoj se një pikë vërtet e rëndësishme është se këto nuk janë proteina unike për arinjtë, që do të thotë se ka shumë më tepër të ngjarë të përdoren si terapeutikë,” tha Kelli.
Insulina është një hormon që rregullon përqendrimin e glukozës – sheqerit – në gjak, dhe ajo e bën këtë duke dërguar sinjale në muskujt, mëlçinë dhe qelizat dhjamore për të absorbuar sheqerin.
Puna është se, nëse shumë sheqer hyn në trup, qelizat tona nuk i përgjigjen më insulinës, mikut tonë dhe bëhen rezistente ndaj saj, duke çuar në tepricë të sheqerit në gjak. Ky është një shkak kryesor i diabetit të tipit 2.
Por shkencëtarët kanë zbuluar se edhe kur arinjtë ngjyrë kafe ngopen, rezistenca ndaj insulinës fillon vetëm më pas, gjatë hibernacionit dhe jo gjatë përgatitjes, gjë që i lejon të mbeten pa diabet.
“Eshtë kaq emocionuese të mendosh, ne kemi këtë tablo shumë më të qartë të aktivit dhe hibernimit, por këto periudha tranzicioni do të na tregojnë kaq shumë rreth asaj se si po ndodh ky process. Jemi shumë të interesuar se si lidhet kjo me njerëzit? Dhe e vërteta është se e gjithë kjo lidhet me ne, apo jo? Pavarësisht nga lloji i organizmit që po shohim ose çfarë ekosistemi apo çfarëdo gjëje, të gjithë jemi të lidhur,” tha shkencëtarja.
Ky zbulim, i publikuar në iScience – mund të mbajë çelësin për trajtimin e diabetit tek njerëzit.
Dukuria se si arinjtë e menaxhojnë insulinën u jep shkencëtarëve një mundësi unike për ta kuptuar më mirë sëmundjen dhe ndoshta në fund të fundit të kuptojnë se si të ngadalësojnë rezistencën ndaj insulinës te njerëzit./Katror.info
Përgatiti:
