Arkeologët kanë zbuluar një statujë si sfinks dhe mbetjet e një faltoreje në një tempull të lashtë në Egjiptin jugor.
Objektet u gjetën pranë Tempullit Hathor, një nga vendet e lashta më të ruajtura të Egjiptit.
Sfinksi gëlqeror me “fytyrën e buzëqeshur dhe dy puçrra” mendohet se përfaqëson perandorin romak Claudius.
Mundesh me e lexu edhe…
Është shumë më i vogël se sfinksi i famshëm në Piramidat e Gizës, i cili është 20m i lartë.
Objektet u gjetën brenda një varri dy-nivelsh në tempullin e Denderas në provincën Qena, 450 km (280 milje) në jug të kryeqytetit të Kairos.
Perandori Claudius, të cilit arkeologët besojnë se veçoritë e qeshura të statujës mund t’i përkasin, shtriu sundimin romak në Afrikën e Veriut midis viteve 41 dhe 54 të e.s.
Arkeologët do të studjojnë shenjat në pllakën e gurit, që mund të zbulojnë më shumë informacion mbi identitetin e statujës.
Përveç sfinksit të gdhendur bukur e me saktësi, arkeologët gjetën edhe një pllakë guri të epokës romake me mbishkrime demotike dhe hieroglifike.
Faltorja gëlqerore përfshin një platformë me dy shtresa dhe një pellg me tulla balte nga epoka bizantine.
Disa ekspertë i shohin këto zbulime nga qeveria egjiptiane si një mënyrë për të tërhequr më shumë turistë, për të ringjallur industrinë e saj të turizmit mes një krize të ashpër ekonomike në Egjipt./Katror.info
Përgatiti:
