Asociacioni i Komunave të Kosovës (AKK) ka thënë se paralajmërimi për rritjen e çmimit të energjisë elektrike, pas rritjes së tatimit në pronë dhe fillimit të zbatimit të vendimit për llogaritjen e tatimit mbi tokën bujqësore do të ketë impakt të drejtpërdrejt edhe në zhvillimin ekonomik lokal.
“Kombinimi i këtyre tre faktorëve – rritja e çmimit të energjisë, rritja e tatimit në pronë dhe tatimi mbi tokën bujqësore, do të ndikojë negativisht në mirëqenien e qytetarëve, duke rritur koston e jetesës dhe duke vështirësuar zhvillimin e bizneseve që ka impakt të drejtpërdrejtë edhe në zhvillimin ekonomik lokal”, thuhet komunikatën e asociacionit.
Nga AKK-ja është thënë se kjo paraqet një barrë shtesë për familjet kosovare si dhe për sektorin privat.
Mundesh me e lexu edhe…
“Ky vendim vjen pas rritjes së tatimit në pronë, pas ri-vlerësimit të pronës që është bërë nga Ministria e Financave Punës dhe Transfereve, ka rënduar buxhetin e qytetarëve dhe bizneseve që ka ndikuar edhe në ekonominë lokale në Komunat e Kosovës”.
“Për më tepër, ka filluar edhe zbatimi i tatimi në tokën bujqësore, duke krijuar një tjetër sfidë për fermerët dhe sektorin agro-industrial, të cilët janë një ndër shtyllat kryesore të zhvillimit ekonomik të vendit”.
Nga muaji prill, ZRRE-ja ka paralajmëruar një rritje prej 15% të faturave të energjisë elektrike, e cila po kundërshtohet fuqishëm nga qytetarët. Për të shprehur pakënaqësinë e tyre, është paralajmëruar edhe një protestë më 5 prill.
Për shkak të vjetërsisë disa dekadëshe të termocentraleve “Kosova A” dhe “Kosova B”, Kosova nuk mund ta sigurojë energjinë e nevojshme për mbi 1.6 milionë banorët e saj.
Prodhim ka edhe nga burimet e ripërtëritshme, por në sasi më të vogla.
Prodhimi i pamjaftueshëm bën që një pjesë e konsiderueshme e furnizimit të sigurohet përmes importeve, të cilat janë të shtrenjta./Albanian Post/Katror.info
Përgatiti:
