Astronomja kosovare Pranvera Hyseni, e cila aktualisht po kryen studimet e saj të doktoratës në Astronomi Planetare në Universitetin e Kalifornisë në Santa Cruz të SHBA-së, ka paralajmëruar sjelljen e një teleskopi diellor në Kosovë.
Në një intervistë për Telegrafin, ajo ka zbuluar detajet rreth kësaj pajisjeje të veçantë dhe rëndësisë së saj në fushën e astronomisë në vendin tonë.
Hyseni ka zbuluar se teleskopi diellor është i dizajnuar për vëzhgimin e Diellit, pasi përfshin filtra specifikë që bllokojnë rrezet e dëmshme dhe mundësojnë një shikim të sigurt të yllit më të madh.
Mundesh me e lexu edhe…
Teleskopi, i cili do të instalohet në observatorin e ri në Shtime, sipas saj është një nga më të mëdhenjtë në Gadishullin Ballkanik, si dhe pritet të jetë një shtesë e rëndësishme për komunitetin shkencor dhe edukativ të rajonit.
“Teleskopin të cilin e kam shfaqur në rrjetet e mia sociale është një ndër teleskopët më të mëdhenj në Gadishullin Ballkanik. Është teleskop diellor. I dizajnuar në atë mënyrë që vetëm diellin mund ta shohim përmes këtij teleskopi, sepse ka filtera specifik që i bllokojnë rrezet e diellit dhe gjërat tjera të cilat mund të na i dëmtojnë sytë”, ka thënë ajo.
Hyseni gjithashtu foli edhe për observatorin në Komunën e Shtimes, i cili sipas saj pritet të inaugurohet në muajin qershor të këtij viti.
Para pak ditësh Pranvera Hyseni, prazantoi punën e saj shkencore në Konferencën e Shkencave Planetare dhe Hënore në Houston, Texas.
“Nga fushat me bagëti në skenën shkencore, rrugëtimi im ilustron se me besim, punë dhe përkushtim, çdo ëndërr mund të realizohet. Paraqitja në skenë për të ndarë kërkimet shkencore para ekspertëve planetarë ishte një përvojë e frytdhënëse, një kombinim i krenarisë, triumfit dhe entuziazmit. Me fjalë të tjera, kjo dëshmon se çdo gjë është e mundur për ata që punojnë vazhdimisht për të arritur qëllimet e tyre. Për këtë, dua të shpreh falënderimin tim më të sinqertë për familjen, mentorët, si dhe për secilin prej jush për mbështetjen, inkurajimin dhe frymëzimin tuaj gjatë këtij udhëtimi të jashtëzakonshëm,” ka shkruar ajo.
Të kujtojmë se në asteroid në gjithësi ka marrë emrin e vajzës nga Vushtrria, që njihet si “Asteroid 45687 Pranverahyseni/Katror.info
Përgatiti:
