Një vepër e re nga artisti Banksy është shfaqur në murin anësor të ndërtesës së Royal Courts of Justice në Londër.
Grafiti paraqet një gjyqtar me paruke tradicionale e mantel të zi duke goditur një protestues të shtrirë në tokë, ndërsa gjaku spërkat pankartën e këtij të fundit.
Edhe pse vepra nuk i referohet një ngjarjeje të caktuar, ajo u shfaq vetëm dy ditë pas arrestimit të rreth 900 personave në një protestë kundër ndalimit të grupit Palestine Action.
Mundesh me e lexu edhe…
Autoritetet gjyqësore e mbuluan shpejt muralin, duke deklaruar se objekti është ndërtesë e mbrojtur dhe duhet të ruajë karakterin origjinal.
Policia Metropolitane njoftoi se ka marrë raport për “dëmtim kriminal” dhe ka nisur hetimet.
Banksy e konfirmoi autorësinë e veprës përmes një postimi në Instagram, duke e titulluar “Royal Courts Of Justice. London”./Albanian Post/Katror.info
